香港區議會委任議席爭議
歷史沿革
編輯英屬香港時期（1997年前）
編輯喺1982年引入選舉前，區議員全部由港督委任，其後已逐步減少[1]。
香港主權移交後、取消委任議席前（1997年－2014年）
編輯喺2013年，立法會通過修改區議會條例，2015年香港區議會選舉 (選出2016年議員喺2016年1月1號上任)全面取消68個區議會委任議席[2][1]。
取消委任議席後（2015年－2022年）
編輯喺2019年，香港經歷反送中運動，親中派因為逆民意而行，就算200萬人出嚟反對修訂逃犯條例，佢哋都堅持如期修例。結果，佢哋喺年底嘅區議會選舉大敗。
去到2020年，北京未經諮詢或香港人同意，強行訂立《港版國安法》，又大幅度削減立法會直選議席。當時就有聲音話香港政府會恢復委任制，當時外間就批評做法大倒退[1]。
政府未經諮詢或港人同意復設委任議席（2023年起）
編輯喺2023年5月，香港政府喺未經諮詢或香港人同意之下，宣佈喺2023年香港區議會選舉入面，將直選議席數目大幅度削減，數目甚至仲少過1982年第一次區議會選舉嗰陣，又引入政府單方面判定嘅國安審查。呢個做法引起咗好多2019年當選嘅區議員反對，形容咁樣係閹割民選議席、假選舉[3]。《明報》社論亦批評，做法過度收緊，令政治光譜收窄，政治人才喺小圈子入面流轉，嚟嚟去去都係同一班人，最後只會令一批「紅二代」、「富二代」等特權階級占據各類公職[4][5]。
參考
編輯- ↑ 1.0 1.1 1.2 〈區會恢復委任制惹爭議 區議員：不信任市民的表現〉。《on.cc東網》 (香港中文)。2021-11-12。喺2023-05-04搵到。
- ↑ 〈香港2016年取消地區議會委任議席〉。《RFI - 法國國際廣播電台》 (繁體中文)。2013-05-23。喺2023-05-04搵到。
- ↑ 文字：《追新聞》記者。〈區議會倒退｜轟民選議席遭閹割一夜歸零 30名前區議員實名聯署杯葛 | 追新聞〉。thechasernews.co.uk (臺灣中文)。喺2023-05-04搵到。
- ↑ 〈香港區議會民選議席大減 明報：過度收緊〉。Yahoo News (中文)。喺2023-05-04搵到。
- ↑ 聯合新聞網。〈香港區議會民選議席大減 明報：過度收緊〉。《聯合新聞網》 (中文)。喺2023-05-04搵到。