香港房屋委員會

香港房屋委員會（Hong Kong Housing Authority，簡稱房委會）係香港法定組織，負責香港公營房屋決策，並交由政府部門房屋署執行。

香港房屋委員會主要工作係起公屋同埋居屋。全香港有200幾萬人住響房委會擁有嘅65萬個出租單位，有指佢係全世界最大業主。

歷史

香港喺二戰後人口急增，大批中國難民因為政治、經濟等原因湧入香港，導致房屋供不應求，好多人因為經濟條件唔好，只能夠周圍喺山邊搭木屋、鐵皮屋，又或者住喺天台屋、籠屋、板間房等，當時嘅殖民地政府喺1953年石硤尾大火之後開始正視房屋問題，於是成立咗好多組織去起公營房屋。

直到1973年，港督麥理浩提出「十年建屋計劃」，為咗配合計劃，政府將原本由市政局管理嘅屋宇建設委員會（屋建會）屋宇建設處同政府嘅徙置事務處合併成今日嘅房屋署，屋建會就改組成房委會，旗下嘅所有廉租屋邨、政府廉租屋同徙置區全部歸房署管理。

呢篇香港房屋委員會係關於香港嘅楔位文章，重未完成嘅。麻煩你幫手補充佢嘅內容。