香港故宮文化博物館

香港故宮文化博物館（英文：Hong Kong Palace Museum）係一個展示北京故宮博物院文物嘅博物館，位於香港西九龍填海區臨海地段西九文化區。博物館佔地一萬平方米，喺2018年初展開地基工程，2022年7月3號啟用，造價35億，即未計地價每平方米11.6萬元。香港賽馬會慈善信託基金捐贈35億港元資助博物館嘅設計、建造同籌備展覽等費用。博物館由嚴迅奇負責建築設計。西九文化區管理局將會成立一間全資擁有嘅附屬公司，全權負責新館嘅興建同未來嘅管理同營運。

香港故宮文化博物館
起好	2022年7月3號
國家	中華人民共和國
位處政區	香港
地點	西九文化區
建築師	許李嚴建築師事務有限公司
地址	8 Museum Drive, West Kowloon Cultural District, Kowloon, Hong Kong
拎	https://www.hkpm.org.hk/
香港故宮文化博物館嘅位置
[改維基數據]

簡介

香港故宮文化博物館係西九文化區管理局同故宮博物院合作嘅項目，目的係推動公眾對中國藝術同文化嘅研究同欣賞，並與世界重要文化機構緊密合作，促進唔同文化之間嘅對話。博物館以嶄新嘅策展手法，從香港角度出發，結合環球視野，展出故宮博物院同其他世界重要文化機構嘅珍藏。博物館將透過學術研究嘅新成果、創新嘅巡迴展覽，以及教育、文化同專業人士交流計劃，建立全球合作夥伴關係，鞏固香港作為中外文化藝術交流中心嘅地位。博物館亦係香港社區嘅文化資源，積極推動社區參與、鼓勵對話同合作，並增強文化創造力同跨領域合作。

展廳

常設展廳

• 1號常設展廳「紫禁萬象 — 建築、典藏與文化傳承」
• 2號常設展廳「紫禁一日 — 清代宮廷生活」
• 3號常設展廳「凝土為器 — 故宮博物院珍藏陶瓷」
• 4號常設展廳「龍顏鳳姿 — 清代帝后肖像」
• 5號常設展廳「器惟求新 — 當代設計對話古代工藝」
• 6號常設展廳「同賞共樂 — 穿越香港收藏史」
• 7號常設展廳「古今無界 — 故宮文化再詮釋」

特別展廳

• 8號展廳
  • 「故宮博物院藏晉唐宋元書畫」：展出35件國家一級文物，包括晉、唐、宋、元嘅中國書畫。（2022年7月2號至2022年10月7號）
  • 「藝苑尋珍 — 列支敦士登王室收藏名品」（2022年11月9號至2023年2月20號）
  • 「百樣玲瓏 ─ 卡地亞與女性」（2023年4月14號至2023年8月14號）
• 9號展廳
  • 「馳騁天下 — 馬文化藝術」：展出111件故宮嘅馬繪畫同雕塑，更向法國羅浮宮借咗13件同馬相關嘅館藏。（2022年7月3號至2022年12月31號）
  • 「金彰華彩──香港故宮文化博物館與夢蝶軒藏古代金器」（2023年2月22號至2023年9月25號）

團隊

• 館長：吳志華博士
• 副館長（研究策展及節目）：王伊悠博士
• 副館長（博物館營運）：袁貺霖先生

開放時間

• 星期一、三、四、日：10:00-18:00
• 星期五、六、公眾假期：10:00-20:00
• 星期二（公眾假期除外）、農曆年初一、年初二休館

入場費

• 標準門票：$50（可以參觀1至7號展廳常設專題展覽）（開幕首年逢星期三免費入場）
• 特別展覽門票：$120（可以參觀所有展廳）
  • 特惠門票半價，適用於全日制學生、7至11歲小童、60歲或以上長者，殘疾人士以及綜緩受助人
  • 6歲或以下小童免費入場

睇埋

• 故宮博物院
• 國立故宮博物院

出面網頁

• 香港故宮文化博物館嘅官方網站
• 香港故宮文化博物館嘅facebook頁
• 香港故宮文化博物館嘅Instagram頁