颱風暹芭 (2022年)
颱風暹芭（英文：Typhoon Chaba，粵拼：toi4 fung1 cim3 baa1，國際編號：2203，聯合颱風警報中心：WP042022）係2022年太平洋颱風季第3個被命名嘅熱帶氣旋。「暹芭」（ชบา）呢個名由泰國提供，指嘅喺「大紅花」——一種生長喺熱帶地區嘅花[1][2]。暹芭影響完菲律賓中部之後，開始移近華南沿岸，為嗰一區嘅2022年風季揭開序幕。暹芭喺7月2號以颱風強度靠近廣東沿岸，香港天文台同埋澳門地球物理暨氣象局分别繼2017年強烈熱帶風暴苗柏同埋2008年颱風浣熊之後再一次針對年內第一個吹襲嘅熱帶氣旋發出八號風球。
| 颱風暹芭 Typhoon Chaba（英文） | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||
 7月2號上晝嘅暹芭 | |||||||||||||||||||||||||||||
| 概況 | |||||||||||||||||||||||||||||
| 形成日期 | 2022年6月28號 | ||||||||||||||||||||||||||||
| 消散日期 | 2022年7月5號 | ||||||||||||||||||||||||||||
| 最低氣壓 | 965 hPa | ||||||||||||||||||||||||||||
| 瞬間最大陣風 | 185 km/h | ||||||||||||||||||||||||||||
| 影響 | |||||||||||||||||||||||||||||
| 死傷人數 | 12死5傷 | ||||||||||||||||||||||||||||
| 影響地區 |  菲律賓 香港 澳門 中國（華南、華中、華北）
| ||||||||||||||||||||||||||||
| 備註 | 菲律賓大氣地球物理和天文服務管理局喺熱帶氣旋離開佢責任範圍之後，冇再更新佢嘅風速資料 | ||||||||||||||||||||||||||||
| 路徑圖 | |||||||||||||||||||||||||||||
 | |||||||||||||||||||||||||||||
| 呢個風係2022年太平洋颱風季嘅一部分 | |||||||||||||||||||||||||||||
發展過程
編輯6月26號，一個熱帶擾動喺菲律賓東面海域形成，美國海軍研究實驗室畀咗擾動編號97W。
6月28號夜晚8點，菲律賓大氣地球物理和天文管理局將佢升做熱帶低氣壓，並命名為「Caloy」；同時日本氣象廳亦都升佢做熱帶低氣壓。
6月29號上晝8點，日本氣象廳對佢發布烈風警報，表示系統有機會喺24小時之內增強做熱帶風暴。同時，台灣中央氣象局將佢升做熱帶性低氣壓，畀咗編號TD04；中國國家氣象局亦都將佢升做熱帶低氣壓。下晝12點20分，地球物理暨氣象局亦都將佢升做熱帶低氣壓。下晝12點30分，香港天文台亦都將佢升做熱帶低氣壓。
6月30日上晝8點，日本氣象廳將佢升做熱帶風暴，畀咗國際編號2203，並命名為「暹芭」[注 1]；同時，台灣中央氣象局將佢升做輕度颱風。上晝11點，聯合颱風警報中心亦都將佢升做熱帶風暴，並畀咗熱帶氣旋編號04W[注 2]。晏晝12點，香港天文台將佢升做熱帶風暴。
7月1號凌晨2點，澳門地球物理暨氣象局同埋香港天文台升佢做強烈熱帶風暴。同一時間，日本氣象廳將佢升做強烈熱帶風暴。
7月2號凌晨2點，聯合颱風警報中心率先將佢升做颱風。上晝8點，中國國家氣象局同埋日本氣象廳同時將佢升做颱風。8點45分，香港天文台將佢升做颱風。上晝9點，澳門地球物理暨氣象局將佢升做颱風。下晝2點，台灣中央氣象局將佢升做中度颱風。下晝3點，廣州市氣象台話芙蓉喺廣東省茂名市電白區沿海登陸，登陸嗰陣中心附近最大風力35公尺每秒（130公里每小時）。下晝6點，香港天文台將佢降做強烈熱帶風暴。夜晚8點，日本氣象廳將佢降做強烈熱帶風暴。同時，聯合颱風警報中心將佢降做熱帶風暴；台灣中央氣象局將佢降做輕度颱風。夜晚11點，聯合颱風警報中心對暹芭發出最後警告。
7月3號凌晨2點，日本氣象廳將佢降做熱帶風暴；香港天文台將佢降做熱帶風暴。下晝2點，日本氣象廳將佢降做熱帶性低氣壓。下晝5點，香港天文台將佢降做熱帶性低氣壓。夜晚8點，香港天文台將佢降做低壓區。
7月6號上晝8點，日本氣象廳將佢降做低壓區。
7月8號上晝8點，日本氣象廳喺天氣圖移除咗佢。
熱帶氣旋警告使用紀錄
編輯澳門
編輯| 地球物理暨氣象局 熱帶氣旋信號 | ||
|---|---|---|
| 上一熱帶氣旋 |  一號風球
|
下一熱帶氣旋 |
| 超強颱風雷伊 | ||
| 颱風圓規 |  三號風球
2022-07-02 20:30－2022-07-03 18:00 |
|
| 熱帶風暴獅子山 |  八號東南風球
|
|
| 颱風圓規 |    八號風球 |
|
香港
編輯| 香港天文台 熱帶氣旋警告信號 | ||
|---|---|---|
| 上一熱帶氣旋 |  一號戒備信號
2022-07-03 14:10－2022-07-03 19:40 |
下一熱帶氣旋 |
| 超強颱風雷伊 | ||
| 颱風圓規 |  三號強風信號
2022-07-02 16:20－2022-07-03 14:10 |
|
| 熱帶風暴獅子山 |  八號東南烈風或暴風信號
|
|
| 颱風圓規 |    八號烈風或暴風信號 |
|
中國大陸
編輯| 國家氣象中心 颱風預警信號 | ||
|---|---|---|
| 上一熱帶氣旋 |  颱風藍色預警信號
2022-07-03 06:00－2022-07-03 18:00 |
下一熱帶氣旋 |
| 超強颱風雷伊 | 熱帶風暴桑達 | |
| 颱風圓規 |  颱風黃色預警信號
2022-07-02 18:00－2022-07-03 06:00 |
|
| 颱風圓規 |  颱風橙色預警信號
|
|
註
編輯- ↑ 日本氣象廳係世界氣象組織指定嘅西北太平洋區域專責氣象中心，負責該區內（包括南海、東海）嘅熱帶氣旋正式編號同命名工作：每當有機構將一個熱帶低氣壓升做熱帶風暴時，呢機構會依照喺世界氣象組織颱風委員會上通過嘅名表嚟命名，同時畀4位數字嘅國際編號。頭兩位喺當年公元紀年最後兩位數（2022），後兩位代表暹芭喺當年被日本氣象廳第3個升做熱帶風暴嘅熱帶氣旋。
- ↑ 聯合颱風警報中心係一個聯合美國海軍同空軍嘅專責小組，會幫西北太平洋或者其他洋域發出熱帶氣旋警告同埋編號。佢嘅編號有正式編號同通用編號兩種：前者由2個英文字母同6位數組成，頭兩位係洋域代碼（WP代表西北太平洋，包括南海、東海），中間兩位代表熱帶氣旋當年喺洋域內形成嘅次序，後四位喺當年公元紀年（2022）；後者就由兩位數同一個英文字母組成，頭兩位數指嘅係熱帶氣旋喺當年喺英文字母所表示嘅區域內形成次序，英文字母係洋域代碼（W同前述嘅WP範圍），呢個編號系統每年都會重新開始，所以無專屬性。換言之，「WP042022」及「04W」都喺指暹芭係2022年第4個喺西北太平洋（包括南海、東海）區域內形成嘅熱帶氣旋，但「04W」指稱暹芭只適用於2022年[3]。
參考
編輯- ↑ 香港天文台。〈熱帶氣旋名稱的意義〉。原著喺2016-08-17歸檔。喺2016-09-10搵到。
- ↑ 〈颱風百問——颱風是怎麼命名？〉。交通部中央氣象局。原先內容歸檔喺2017-11-04。喺2022-06-30搵到。
- ↑ 聯合颱風警報中心 (2011)。〈聯合颱風警報中心的使命〉。美國海、空軍。原著喺2007-07-26歸檔。喺2011-11-30搵到。（英文）
睇埋
編輯- 2022年太平洋颱風季
- 同時出現嘅熱帶氣旋：
出面網頁
編輯
- （英文）颱風2000：各氣象部門對暹芭的預測路徑集合 Wayback Machine嘅版面存檔備份
- （日文）日本氣象廳：數位颱風網資料（日文版Wayback Machine嘅版面存檔備份、英文版Wayback Machine嘅版面存檔備份）
- （英文）聯合颱風警報中心首頁Wayback Machine嘅版面存檔備份
- （大陸簡體）中國國家氣象中心首頁 Wayback Machine嘅版面存檔備份
- （臺灣正體）臺灣中央氣象局首頁Wayback Machine嘅版面存檔備份
- （香港繁體）香港天文台：實時天氣稿（6月29日Wayback Machine嘅版面存檔備份－6月30日Wayback Machine嘅版面存檔備份－7月1日Wayback Machine嘅版面存檔備份－7月2日 Wayback Machine嘅版面存檔備份－7月3日 Wayback Machine嘅版面存檔備份）
- （繁體中文）澳門地球物理暨氣象局首頁Wayback Machine嘅版面存檔備份
- （英文）菲律賓大氣地球物理和天文管理局 惡劣天氣公告Wayback Machine嘅版面存檔備份
- （泰文）泰國氣象局首頁Wayback Machine嘅版面存檔備份