香港理工大學衝突
香港理工大學衝突，參與者叫理大保衛戰，係2019年11月反逃犯條例修訂運動嘅黎明行動引發嘅衝突，因為紅磡嘅「三罷」示威者闖入香港理工大學，佔領校園為據點堵塞校園外圍嘅交通（包括紅磡海底隧道收費廣場、漆咸道南同埋東鐵綫紅磡站），期間校方一再要求示威者離開校園，警方亦同示威者持續對峙。不過衝突未有好似同期香港中文大學衝突噉和平落幕，警方自11月17號開始全面包圍理大校園，將離開校園嘅人（記者除外）一律拘捕（之後警方畀18歲以下嘅人可以登記之後離開，但會保留拘捕權利）。有被困嘅示威者嘗試用唔同方法突破警方封鎖離開，但大多都係失敗。喺校方多次要求警方盡快解封校園後，警方喺11月28號入校園蒐證同清理危險品，期間發現唔到有示威者，11月29號正式解封校園交還校方。事後根據警方登記及被捕人士身份發現絕大多數示威者都唔係理工大學嘅學生。期間，被捕人數有1377人，俾警察登記嘅未成年抗爭者人數有318人。另外，當中只得46人係理大學生，2人係理大教職員。
期間紅磡海底隧道除咗被堵塞，收費亭同埋行政大樓都受到破壞，隧道去到11月27號上晝至開得返。
相關事件
編輯11月18號營救行動
編輯11月18號晚，過萬位示威者去到尖沙嘴到旺角一帶，希望可以去到理大營救被困嘅示威者，同警方爆發多次衝突。其中喺碧街嗰頭，大批示威者因為畀警方急速驅散爭相走避，引發「人踩人」事件，大約30人受傷[1]。
「生命麪包」言論
編輯11月21號晚，包圍校園嘅警員嘲諷被困嘅示威者食生命麪包好可憐，引起網民批評[2]。
理大圍城紀錄片
編輯影意志為咗紀念呢場理大浴血保衛戰，特別拍咗一套叫《理大圍城》嘅紀錄片，不過呢套紀錄片上畫之後爭議太多，而《文匯報》喺3月11號社評仲攻擊呢套紀錄片散播「仇視國家情緒」，違反《電影檢查條例》同埋《港版國安法》，促請電檢處禁播。3月15號，高先電影院突然出通告，取消放映，原因係「避免引起不必要嘅誤會」[3]。
出名被捕者
編輯審訊經過
編輯有被告指自己比警方屈打成招
編輯喺2022年8月11號，就呢次警察入侵理大校園事件，多名人士被控非法集結，其中一個唔認罪嘅姓周男人，話係比警方恐嚇會打死佢，將佢變成浮屍，驚自己無左條命先局住認罪，仲話警察老屈佢收左黑社會安家費先出嚟示威。但係檢控官張建波完全唔信佢講，仲話返佢幼稚。[4]
相關作品
編輯睇埋
編輯
參考
編輯- ↑ 凌逸德 (2019-12-06)。〈【11.18．油麻地人疊人】消防證實人疊人 十分鐘救30多名被困者〉。《香港01》 (香港中文)。喺2022-08-12搵到。
- ↑ "Leaving Facebook". www.facebook.com. 喺2022-08-12搵到.
- ↑ 〈【國安時代】港金馬得獎短片《暗房夜空》因半秒畫面被拒再次公映 至今逾10電影遇同類情況〉。Radio Free Asia (香港中文)。喺2022-08-12搵到。
- ↑ 〈被告稱遭警員打肚威嚇錄口供 聞警稱「多咗浮屍」後怕被打死 控方質疑想法幼稚〉。《香港獨立媒體》 (中文)。2022-08-11。
{{cite web}}: Cite has empty unknown parameter:|acceds-date=(help)CS1 maint: url-status (link)
