香港理工大學衝突

香港理工大學衝突,參與者叫理大保衛戰,係2019年11月反逃犯條例修訂運動黎明行動引發嘅衝突,因為紅磡嘅「三罷」示威者闖入香港理工大學,佔領校園為據點堵塞校園外圍嘅交通(包括紅磡海底隧道收費廣場、漆咸道南同埋東鐵綫紅磡站),期間校方一再要求示威者離開校園,警方亦同示威者持續對峙。不過衝突未有好似同期香港中文大學衝突噉和平落幕,警方自11月17號開始全面包圍理大校園,將離開校園嘅人(記者除外)一律拘捕(之後警方畀18歲以下嘅人可以登記之後離開,但會保留拘捕權利)。有被困嘅示威者嘗試用唔同方法突破警方封鎖離開,但大多都係失敗。喺校方多次要求警方盡快解封校園後,警方喺11月28號入校園蒐證同清理危險品,期間發現唔到有示威者,11月29號正式解封校園交還校方。事後根據警方登記及被捕人士身份發現絕大多數示威者都唔係理大學生。期間被捕及登記共有1377人,當中得46人係理大學生,2人係理大教職員。

香港理工大學衝突

期間紅磡海底隧道除咗被堵塞,收費亭同埋行政大樓都受到破壞,隧道去到11月27號上晝至開得返。

相關事件

11月18號營救行動

11月18號晚,過萬位示威者去到尖沙嘴旺角一帶,希望可以去到理大營救被困嘅示威者,同警方爆發多次衝突。其中喺碧街嗰頭,大批示威者因為畀警方急速驅散爭相走避,引發「人踩人」事件,大約30人受傷。

「生命麪包」言論

11月21號晚,包圍校園嘅警員嘲諷被困嘅示威者食生命麪包好可憐,引起網民批評。

出名被捕者

睇埋