香港紅十字會輸血服務中心
香港公立醫療機構
香港紅十字會輸血服務中心（Hong Kong Red Cross Blood Transfusion Service）係香港九龍九龍城區一間公立醫療機構，而家由醫院管理局管理，係九龍中聯網其中一間醫療機構，總部地址係九龍京士柏京士柏道15號。
簡介 編輯
香港紅十字會輸血服務中心主要確保提供足夠、安全同優質嘅血液同血液成份，以供病人治療之用。血液係由香港一啲志願人士免費提供，嗰啲志願人士要係已經接受評估嘅健康人士。
服務嘅其中一項重任，就係鼓勵社會大眾定期捐血，而收集血液嘅途徑來自四個流動隊、七間固定捐血站同捐血巴士。血液收集之後，會進行嚴格嘅血型同傳染病篩選等測試，並同時為血液進行處理，製造成一系列的血液製品（紅血球、血小板、新鮮冰凍血漿同白血球）。呢啲血液同血液製品會送到公立同私家醫院，作為臨床輸血用途，幫助有需要嘅病人。
此外，服務重會管理香港紅十字會轄下嘅香港骨髓捐贈者資料庫，包括招募市民成為捐贈者，進行白血球組織型化驗，為同病人白血球組織型吻合嘅捐贈者安排造血幹細胞捐贈等相關服務。
醫院管理局直接管轄 編輯
1991年12月，香港紅十字會根據與醫院管理局簽定嘅協議，將收集同處理血液同血液成份工作嘅管理同監控，連埋相關嘅物業、設施同運作，轉交並指派俾醫院管理局負責，隸屬九龍中聯網。香港紅十字會無再參與輸血服務中心嘅日常運作，輸血服務中心嘅人員都係醫院管理局請同管理嘅。
服務範圍 編輯
專科服務 編輯
- 血液學，輸血學同病理學
其他 編輯
- 香港紅十字會周桃英臍帶血庫
- 香港骨髓捐贈者資料庫
- 參考血型學服務
- 輸血學質量保證計劃
- 血漿製品分發