捐血係指捐血嘅人自願捐出自己嘅全血漿或血液成分,而唔收取任何報酬(不過都可能有紀念品送畀捐血嘅人)嘅行動。呢啲血液通常儲存喺血庫度,由醫療單位、血站或紅十字會保管,隨時預備畀有需要嘅人喺輸血嘅時候用。

一個捐緊血嘅人

捐血前後要注意嘅事項 編輯

捐血之前:

  1. 捐血之前一日要有足夠嘅睡眠同良好嘅情緒;
  2. 捐血之前一日唔好食高脂肪嘅食物,例如油食物、牛奶豆漿花生瓜子雪糕等;
  3. 捐血之前一日唔好食含有高色素嘅食物,例如紅蘿蔔
  4. 唔好食藥;
  5. 唔好飲酒。

捐血之後:

  1. 撳住針眼最少10分鐘;
  2. 針眼24個鐘頭之內唔好濕水;
  3. 捐血之後24個鐘頭之內要飲多啲嘢以補充失去嘅水份;
  4. 捐血之後24個鐘頭之內唔好做劇烈運動;
  5. 捐血之後24個鐘頭之內要保持手臂舒展狀態,唔好拎重嘢。

捐血條件 編輯

香港 編輯

捐全血 編輯

喺香港,凡係年齡喺16至65歲之間,體重超過41公斤,健康正常嘅人,就可以去紅十字會捐血站、流動捐血車或流動捐血隊嘅特定地點捐血。16至17歲嘅青少年第一次捐血要有家長簽名嘅同意書。

  • 16至17歲嘅青少年需要相隔唔少過150日先可以捐血一次,每年最多可以捐三次。
  • 18歲或以上成年女士需要相隔唔少過105日先可以捐血一次,每年最多可以捐四次。
  • 18歲或以上成年男士需要相隔唔少過75日先可以捐血一次,每年最多可以捐五次。

捐成份血 編輯

成份血需要相隔唔少過14日先可以捐一次,每年最多可以捐24次。捐成份血基本要求:

  • 年齡18至60歳
  • 體重超過60公斤
  • 手臂血管粗大(兩隻手都係就最好)
  • 曾經重覆捐血之後而冇覺得任何唔舒服
  • 願意定期每月捐贈成份血

出面網頁 編輯