香港1960年代

香港1960年代跟隨住過去十年嘅步伐，繼續發展同擴張製造業。強勁嘅經濟增長令香港做咗「亞洲四小龍」之一，同新加坡、南韓、台灣一樣咁出名。隨住經濟急速發展，加埋政府亦都積極起基建同公屋，香港居民生活質素普遍改善咗。但係受到中國大陸唔穩定因素影響，香港社會累積咗唔少民怨，搞出兩場暴動，暴動過後港府積極研究點樣改善民生問題，為未來十年嘅民生政策改革鋪路。