西馬
(由馬來亞跳轉過嚟)
「馬來亞」跳轉到呢度。要睇遞啲意思，請去【馬來亞 (搞清楚)】。
西馬，又叫馬來西亞半島、西馬來西亞、馬來亞，係東南亞一個區域，喺馬來半島南面，依家係馬來西亞西面嘅領土，地理上亦會包埋星加坡。
西馬總面積大約130,590平方公里（50,420平方英里）。北面同泰國接壤（其中吉蘭丹州同泰國嘅陶公府接壤，而玻璃市、吉打州同霹靂州亦同沙敦府、惹拉府同宋卡府接壤），南面同星加坡通過新柔長堤同馬新第二通道相連，西面同西南面隔住馬六甲海峽同印尼蘇門答臘島相望。其中，南中國海將西馬同東馬分隔。
人口改
西馬種族分佈圖（2020年） 馬來人 (66.7%) 華人 (23.9%) 印度人 (8.3%) 原居民（亞洲人）/ 非馬來土著 (0.4%) 其他 (0.7%)
馬來人係西馬最大族群，佢哋接近全部人都信回教[1]。同時，亦有好多華人同印度人住喺西馬。另外，Orang Asli 原居民亦有大約140,000人，佢哋多數住喺半島內陸地區。
分區改
馬來西亞半島地區由馬來西亞11個州同兩個聯邦直轄區組成，亦有東西之分，其中東海岸係指面向南中國海同太平洋嘅區域，而西海岸係指面向馬六甲海峽同印度洋區域。
西海岸因人口相對密集而普遍被細分為北、中、南三部。雖然柔佛州東面面向南中國海，但係西部同南部面向馬六甲海峽同柔佛海峽，佢仍然被視為西海岸州属嘅一部分。
睇埋改
參考改
 |