馬來西亞聯邦國旗又叫輝煌條紋或者馬來西亞國旗馬來話Jalur Gemilang),係馬來西亞聯邦國家主權象徵之一。

馬來西亞國旗
馬來西亞國旗
輝煌條紋
類別 民用旗(陸)、政府旗(陸)
啟用日子1963年9月16號
形式14道紅白橫條為底,左上係藍底黃弦月黃星嘅旗幟。

國旗由14道紅白相間嘅橫條所組成,左上角為藍底加上黃色嘅新月同14粒芒星圖案。長闊比例2:1。

14道紅白相間嘅等寬橫條原本代表馬來西亞成立時馬來亞嘅11個州同沙撈越北婆羅洲沙巴新加坡,自從新加坡喺1965年獨立後,又代表馬來亞11個州屬同沙撈越、沙巴以及聯邦直轄區,為聯邦政府嘅平等關係。

紅色象徵人民面對挑戰時勇敢堅毅嘅精神。白色象徵住人民純潔同高尚。藍色象徵人民團結、融洽、和睦生活埋一齊。新月圖案象徵伊斯蘭教,係馬來西亞聯邦官方宗教。十四角星又叫做「聯邦之星」,象徵住馬來西亞聯邦政府聯合、團結一致。黃色係象徵皇室嘅顏色。

支旗由莫哈末韓查設計,由373個參賽作品入面選出。由1963年9月16號馬來西亞聯邦成立時正式啟用。