馬拉拉

馬拉拉（ملاله یوسفزۍ‎，Malālah Yūsafzay，1997年7月12號—）係住喺巴基斯坦西北部嘅一位普什圖族學生，以爭取婦女權利而出名。馬拉拉通過博客介紹咗佢哋喺塔利班政權下嘅生活。馬拉拉後來贏到巴基斯坦第一屆全國青年和平獎。

馬拉拉喺白宮橢圓辦公室（2013年10月11號）

2012年10月9號，馬拉拉坐緊校車返屋企途中畀塔利班槍手企圖暗殺，打中頭同頸，一度情況危殆，之後好轉。媒體報導因為呢單嘢，巴基斯坦同全世界有人示威，同情馬拉拉，批抨塔利班。

2013年10月10號，歐洲議會頒咗個薩哈羅夫獎畀佢。2014年同印度人薩蒂亞爾希（Kailash Satyarthi）一齊獲頒發諾貝爾和平獎，係歷年嚟最年輕諾貝爾獎得主。