馬桑果

馬桑果（粵拼：maa5 song1 gwo2；學名：Coriaria nepalensis）係馬桑科馬桑屬嘅落葉灌木，原產喜馬拉雅山腳，而家喺尼泊爾、印度近喜馬拉雅地域及中國大陸嘅黃土高原地域先至搵到。

How to read a taxobox

馬桑果

果

葉

物種分類

Coriaria nepalensis
Wall.

樣

植株高15～25dm，分枝水平開展，幼枝有棱。葉對生，全缘，樣近似橢圓但先端較尖，基部出三大脈；柄短兼紫色，長2～3mm。花屬總狀花序，頂生，一次開好多兼密集；每年2～5月開花。果屬瘦果，初出時紅，熟時轉黑；每年5～8月結果。

佢嘅果可提取酒精，籽有油，梗同葉有栲膠，可以做土農藥。成樖嘢有毒，唔食得，但佢嘅根可以做藥，凈限外用。

馬桑果之所以唔食得，係因為佢嘅果有馬桑毒素，一唔小心食咗佢嘅果後半個鐘到一個鐘內，輕嘅會出現頭暈、冇力、面色變白、出汗同唔停流口水症狀；重嘅會出現分散嗮注意力、瞌嗮眼瞓、瞳孔會變細或變大、唔停噉發羊吊甚至嘴唇變紫紅；再得人驚啲，會出現昏迷、呼吸衰竭甚至命仔凍過水。