馮肇均

馮肇均（Justin Fung，1988年 8月18號—）係前香港無綫電視編導，曾經喺佢負責編導嘅處境劇《愛·回家之開心速遞》客串演出，2020年9月離職，原因被指涉及《開心速遞》嘅政治風波而被炒，不過佢本人否認。

簡歷編輯

馮肇均喺2012年加入無綫電視擔任助理編導，喺2017年晉升為編導，主要作品係處境劇《愛·回家之開心速遞》。

2020年8月，馮肇均喺《開心速遞》入面客串富家公子「言少」一角，係演員鄺潔楹角色嘅新男朋友，個角色出現唔只一集^[1]。

同年9月，《開心速遞》爆出政治風波，其中一幕出現嘅黃手套畀一啲「藍絲」觀眾覺得係擺緊「五大訴求，缺一不可」嘅手勢，無綫電視認同呢個睇法，話會搵出真兇。之後有傳媒報道話負責執導呢一幕嘅馮肇均已經畀電視台炒魷，但另一傳媒訪問佢本人，佢本人就話唔清楚件事，仲返緊工^[2]。