鑑別

鑑別（英文：Authentication），或鑑定、鑑證，係核實資料或物品中特性是否真確。例如去證實人嘅身分，物品來源，或者包裝說明真誤。

唔同嘢有唔同鑑別目的同方法。古董要鑑別年份、製作地或人係咪真確。電腦系統要鑑別用戶身分真確。產品要鑑別說明真確，唔會貨不對辦，或者假貨。

通常容許或者批准做某啲事，先要鑑別身份。例如選舉，畀人投票之前，就要鑑別選民身分先。又或者戲院睇戲，會用戲票鑑別係咪有資格入場睇。

電腦

睇埋：電腦保安同電腦存取控制

舉例說明，想像家陣有兩個人 A 君同 B 君，B 係 A 嘅員工，幫 A 管理佢啲財富，而家 A 想傳信息俾 B，指示佢手上嗰啲股票要點樣處理（繼續揸住啲股票定賣咗佢哋好），而又假想有個黑客想擾亂 A 同 B 之間嘅通訊，但 A 用嘅嘥化好先進，搞到個黑客解讀唔到段密文，但就算係噉，個黑客都大可以截住段密文，然後隨意噉篡改段密文，搞到 B 做解密嗰陣出錯。鑑別就能夠幫手應付呢個問題－假如 B 有能力做鑑別，即係有能力可靠噉知道「段信息係咪真係由 A 傳出嘅」同埋「段信息有冇俾人搞過嚟」，佢哋就能夠阻止黑客靠「隨意篡改段密文」嚟擾亂佢哋之間嘅通訊。

例如通行碼就係一種常用嘅鑑別方式。有好多廿一世紀初嘅網站都會要求用家入通行碼先至可以簽到，簽到咗先至有得用某啲功能（好似下圖噉）－喺正常情況下，淨係得真正嘅用家先會知段通行碼，所以如果一個用家入到段啱嘅通行碼，佢應該就會係真正嗰位用家。

睇埋

• 密碼學