體育中心站 (廣州)

  提示：呢篇文講嘅唔係體育中心南站 (廣州)。

體育中心站（粵拼：tai2 juk6 zung1 sam1 zaam6；英文：Tianhe Sports Center Station）係廣州地鐵1號綫嘅車站，喺天河區嘅天河體育中心東邊地底。

體育中心 Tianhe Sports Center
體育中心站嘅站名
概覽
冧巴	115
位置	天河區天河體育中心東邊嘅地底
座標	23°8′3.48″N 113°19′27.12″E
經過路線	1
啟站	1999年6月28號
月台數	1
站口數	6
營運資訊
車站服務時間	06:07～23:37
列車服務時間	06:12～23:32
廣州地鐵1號綫 西塱　◄體育西路 （1km） （2km）廣州東站►　總站

由於呢個站附近有好多商業大廈同住宅樓、及廣州電腦城喺度，所以有好多居民同上班一族、遊客成日嚟呢度坐地鐵。另外，佢嘅D3出入口個商場同體育西路站、體育中心南站兩站互通。及A出入口離石牌橋站D出入口凈得380m到。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係1號綫嘅月台。同大多數嘅1號綫車站一樣，冇休息室同廁所、母嬰室響度。

打掂

地下 一樓	站廳	售票機、客服中心、車站警務室、安檢設施
地下 二樓	2月台	←1號綫列車去體育西路站（行西塱嗰邊）
	島式月台，開左邊門
	1月台	1號綫列車去廣州東站（行廣州東站嗰邊）→

打橫

體育中心站嘅站廳，喺2014年8月28號影。

體育中心站嘅月台

柱上面啲字

站廳

體育中心站嘅收費區喺站廳嘅西邊，而東邊係人行通道，而車站嘅商舖方面，都喺嗮車站嘅南北兩邊嘅免費區入面，而自助服務喺嗮車站嘅南邊。而收費區有好多部扶手電梯同樓梯往返月台都得。而專用𨋢喺車站嘅南邊免費區域入面，乘客如估有需要嘅話，可以向車站嘅工作人員查咗車飛之後嚟協助用。

站廳全景（喺2015年5月8號影）

月台

呢個站有1個島式月台，喺體育東路嘅地底。

體育中心站嘅月台全景

註：呢張相都喺2015年4月29號影。講嘅係行廣州東站嗰邊嘅月台。

商舖同自助服務

而家嘅體育中心站入面有唔同類嘅鋪頭畀乘客買嘢同埋食嘢，好似有便利檔、麵包檔同書店、洗衫舖等。

另外，體育中心站入面重有好多自助服務設施畀乘客用，包括咗民生銀行同中國銀行嘅自動櫃員機、自動販賣機、自動影相機等；重有好易機嚟充羊城通，交水電費同交通嘅罰錢呢尐服務；而M-Touch機係可以查地鐵嘅路線、頭尾班車同埋地鐵嘅安全指引，重可以畀乘客登記變成廣州地鐵薈嘅會員嚟查獎分、換獎品都得。下面有寫清楚呢個站係有乜鋪頭同自助服務響度：

商舖 7-Eleven 天天洗衣 美心西餅 日閱堂

自助服務 自動影相機 自動販賣機 中國銀行自動櫃員機 M-Touch地鐵資料查詢 好易（Hotye）多媒體自助服務終端

出入口

體育中心站冚唪唥嘅出入口
A出入口，呢個出入口離石牌橋站凈得380m到。 A出入口，呢個出入口離石牌橋站凈得380m到。  B出入口 B出入口  C出入口，喺天河體育中心有波睇時成日要限流。 C出入口，喺天河體育中心有波睇時成日要限流。  D1出入口 D1出入口  D2出入口 D2出入口  D3出入口，呢個出入口同體育西路站、體育中心南站連埋一齊。 D3出入口，呢個出入口同體育西路站、體育中心南站連埋一齊。

呢個站一共有6個出入口，分別係A、B、C、D1、D2，D3。其中C出入口喺廣州恆大淘寶主場作戰或第啲出名球會喺天河體育中心比賽時，有好多人上落。而D3出入口係個商場，佢同APM、3號綫相通。

另外，喺2017年11月14號開始實行嚴格安檢制度之後，除咗往返B同C出入口及D1、D2、D3同A出入口之間毋須接受安檢之外，其他出入口之間當成過街通道往返嘅話，都要接受人過安全門、物過X光機、液體過檢測儀嘅制度。

冧巴	標記	方位	去到邊度
出入口A	體育東路	東南	體育東路、天河路、天河南二路、天河公交場、廣東省對外經貿大廈、萬菱匯萬菱國際中心、慈銘體檢（體育中心分院）
出入口B	體育東路	東北偏北	體育東路、天河北路、廣州市電信局、財富廣場、華爾街英語財富廣場中心、韋博國際英語天河中心、華泰證券體育東路營業部、體育中心東門（北行）巴士站
出入口C	體育東路	西北偏北	體育東路、天河北路、天河體育中心東門、中信廣場、卓越教育體育中心校區、體育中心東門（南行）巴士站
出入口D1	體育東路	西南偏西	天河路、體育東路、天河體育中心東門
出入口D2	體育東路	西南偏南	天河路、體育東路、天河南一路、天河體育中心東門
出入口D3	天河路	西南	天河路、體育東路、正佳廣場、西堤厚牛排、太興餐廳、板長壽司、廣州正佳廣場萬豪酒店
註： 有盲人引導徑 | 有輪椅升降臺

頭尾班車信息同配線圖

配線圖
█ 1號綫 ▲廣州東站
▼體育西路站

行去邊頭	頭班車	尾班車
每日
1號綫
西塱站	06:12	23:32
廣州東站	06:22	23:22
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

之前未裝月台幕門嘅體育中心站

規劃

喺1987年，嗰時嘅廣州市人民政府準備引入德國資本嚟起地鐵而出現嘅四個方案入面，其中方案1就講咗家陣1號綫嘅樣。嗰時天河路口整咗個「體育中心站」，喺天河北路口整咗個「天河北路站」。後嚟喺徵求咗市民意見之後就搞咗「十字線網」規劃。而呢個規劃就係將個天河北路站斬咗，得返個體育中心站，而車站就移到而家嘅體育東路嗰邊。

施工

1993年12月28號，1號綫正式逳手開始起。到咗1997年6月28號嘅1號綫首通段開通嗰陣，重未開呢個站嘅。而呢個站嘅建設工程一直到1999年3月份先至搞掂嗮。

開通

1999年6月28號，1號綫延長段開通咗之後，車站先至開咗。

加裝月台幕門

喺2005年，地鐵公司為咗慳能源同防止乘客墮軌，所以就喺行緊嘅成條1號綫入面加裝月台幕門、半高式安全門，重搞埋月台風道同埋管線改造工程。而呢個站嘅月台幕門方面，就喺2008年起好重開始用。

利用狀況

同體育西路站一樣，隔籬冇幾遠就係天河商業中心區，有好多間商業寫字樓同購物中心響度，所以呢個站有好多人上落車。如估隔籬嘅天河體育中心舉辦大型活動（例如大型運動比賽、某明星嘅演唱會、天河迎春花市）嘅話，客流甚至重出現井噴咁滯。

由於呢個站嘅出面嘅東南邊400米遠就係石牌橋站，嗰時部分住喺天河商業中心東邊嘅乘客，喺2006年12月30號嘅3號綫支綫開通咗之後去咗石牌橋站，結果少咗人用體育中心站，之前嘅晚高峰客流控制都取消咗。

附近嘅建築同景區

天河體育中心

羊城國際商貿中心

萬菱匯

運動場

• 天河體育中心

寫字樓

• 外經貿大廈
• 財富廣場
• 廣東電信大廈
• 羊城國際商貿中心

商場

• 廣州電腦城
• 正佳廣場
• 太古匯
• 萬菱匯
• 時尚天河
• 京光廣場

政府機構

• 廣州市供電局

樓盤

• 怡苑園

上一站·下一站

上一站⇚⇚　　　　廣州地鐵　　　　⇛⇛下一站
體育西路站 西塱站←	體育中心站 1號綫	廣州東站 →總站