魚珠石

魚珠石（粵拼：jyu4 zyu1 sek6）係舊時廣州東邊珠江度嘅其中一嚿大礁石。係紅色砂岩同礫岩溝埋一齊，而呢嚿石喺白堊紀嗰陣出嚟，由於長期受到水流嘅沖刷，個樣就變到好似個珠噉，咁啱對住河嘅北邊有笪嗌「魚山」嘅崗地，所以「魚珠石」嘅名就係噉嚟。而呢嚿石就喺而家嘅黃埔區黃埔大道東嘅最東邊嘅南邊冇幾遠嘅位。呢嚿石同廣州三石（浮邱石、海珠石、海印石）一齊，都係同一種嘅岩石。喺清朝時入選咗羊城八景，嗌「東海魚珠」，不過而家呢嚿石已經唔喺度喇。由於受到江水猛咁沖刷，而家已經同珠江嘅北邊合埋一齊。附近冇幾遠嘅魚珠街個名就係噉得返嚟。

清朝乾隆時期嘅「東海魚珠」木刻畫。