鯉魚門天后廟
鯉魚門天后廟，又叫鯉魚門天后宮，係香港一間天后廟，喺九龍油塘鯉魚門，喺鯉魚門海峽以北，馬山村以東，鯉魚門咀石礦場以西，喺鯉魚門海旁道嘅東段路上，現已被評為香港三級歷史建築。
.jpg)
史 編輯
鯉魚門天后廟喺清朝乾隆十八年（1753年）起，由當時盤踞鯉魚門海域嘅海盜鄭連昌起。喺1953年重修嘅時候發現一塊碑刻住：「天后宮，鄭連昌立廟，日後子孫管業，乾隆十八年春立。」鄭連昌係明朝鄭成功部將鄭建個孫。
清初，鄭成功撤退去台灣繼續進行抗清活動。但鄭建冇跟隨鄭成功去台灣，帶領手下退守至廣東，有啲更退守香港東面嘅海域。鄭建死後，佢嘅子孫不恥食清朝嘅粟物，同沿海民眾勾結，慢慢就成為雄霸一方嘅海盜。
鯉魚門天后廟起喺山腳近海邊，據說天后廟除咗供奉天后外，更係海盜嘅前哨站，監視住來往嘅船隻，以防官兵來襲。該廟曾經喺1953年同1986年重修。喺1953年嘅重修中，天后廟旁邊加起「協天宮」，同天后廟合稱叫「天后聖母廟」。