鳳
(由鳳凰跳轉過嚟)
想搵第二個意思嘅話，請睇鳳氏。 「鳳凰」跳轉到呢度。想搵其他用法，請睇「鳳凰 (搞清楚)」。鳳，又叫做鳳凰（鳳係公，凰係乸），係唐人吉祥大雀，係神話動物來嘅。
傳說話鳳凰降臨，嗰處就政治清明。佢有地上嘅百鳥之王之稱。根據殷商甲骨文所示，「鳳」源自「風」。
然而，喺古代至今嘅華人社會裡頭，龍普遍係代表男性，而鳳，通常會用嚟代表女性，尤其係古代嘅帝皇之家，鳳係皇后或者皇太后嘅象徵。
英人來華時，鳳類似西方神雀不死鳥，不死鳥浴火重生。所以，鳳就時時借英文名Phoenix來繙，兩者時時混用，不死鳥亦叫火鳳凰。不過，兩隻雀查實都無關係。
另外，中華神話其中嘅四靈獸入面，當中嘅朱雀成日畀人誤會同鳳凰係同一樣嘅鳥，雖然呢兩種鳥傳說都同火有關，而且暫時都未有實物可以驗證其真實存在過，但喺文化角度嚟講，其實佢哋分別有各自描述：朱雀係天上嘅靈獸，而鳳凰係地上雀王。