鹿頸碼頭係香港新界大嶼山陰澳鹿頸村內嘅公眾碼頭。為咗等鄉民出入香港市區，呢度有一條街渡，來往呢個碼頭至到對岸嘅荃灣青龍頭。佢係喺香港地鐵（家下港鐵）欣澳站出現之前，唯一一個往返陰澳至到市區嘅公共交通工具。因為陰澳鄉民過去長期依靠青龍頭出入市區，所以大嶼山東北部一直係屬於荃灣區，而唔係離島區。
