欣澳站
欣澳站（粵拼：jan1 ou3 zaam6；英文：Sunny Bay Station）係一個港鐵站，喺香港新界大嶼山東北嘅陰澳打水灣填海區，2005年6月1日啟用，早迪士尼綫同香港迪士尼樂園3個半月。呢個站設有一個島式月台同埋一個側式月台，本站亦係港鐵第一個設有月台閘門嘅車站。
 欣澳站A出口 | |
| 站名 | |
| 中文名 | 欣澳站 |
| 英文名 | Sunny Bay Station |
| 站代碼 | SUN |
| 基本資訊 | |
| 車站色 | 石灰色 |
| 途經路線 | 東涌綫 |
| 站服務時間 | 0559-0119 尾班車時間 |
| 接駁交通 | 巴士 |
| 車站結構 | |
| 站類 | 地面 |
| 月台類 | 1、3號月台同機場快綫緊急月台-島式月台 2號月台-側式月台 |
| 月台數 | 3 |
| 出口數 | 1 |
| 其它設施 | 其它無障礙設施 |
| 地圖 | |
 | |
| 英文 | |
|---|---|
| 英： | Sunny Bay |
| 字面解釋： | 陽光灣 |
.JPG)
車站結構
編輯車站樓層
編輯| U1 行人天橋 |
行人天橋 | 行人天橋連接大堂同埋各月台 |
| G 地面 |
大堂 | 出口、公共運輸交匯處 |
| 客務中心 | ||
|
東涌線往香港 | |
| 緊急月台 | 機場快綫路軌同緊急月台 | |
|
東涌線往東涌 | |
|
迪士尼線往迪士尼 | |
| - | 自動櫃員機、洗手間 | |
車站大堂
編輯由於欣澳站只係一個轉車站，車站大堂除咗設有一個客務中心，售票機、增值機、八達通查閱機同幾部出入閘機外，並冇任何設施，因此車站大堂好細，站內並冇任何車站商店，只係喺1號月台與3號月台之間設有恒生銀行同埋中銀香港嘅自動櫃員機，以及喺月台兩邊設置廁所方便去香港迪士尼樂園嘅乘客使用。該站亦係前地鐵市區綫系統中，第一個設有閘內洗手間嘅車站。
車站月台
編輯欣澳站設有一個島式月台同埋一個側式月台，2號月台係側式月台，同車站大堂同出口相連，畀東涌綫往香港方向嘅列車使用。
1號同埋3號月台則共用同一個島式月台，1號月台畀東涌綫往東涌方向嘅列車使用，3號月台畀迪士尼綫往迪士尼方向嘅列車使用，該月台主要係東涌綫乘客轉迪士尼綫列車去香港迪士尼樂園。
而響欣澳站中間，設有2個後備島式月台，叫做欣澳應急月台（前稱陰澳應急月台），淨係畀東涌綫同機場快綫喺緊急事故時疏散乘客之用。
機場快綫路軌同東涌綫路軌分開，呢個設計嘅原意係畀東涌綫列車喺欣澳站停站嗰陣，畀機場快綫嘅列車超越。但係機場快綫列車通常喺接近欣澳站時減速，甚至喺欣澳站入面嘅路軌短暫停留，等東涌綫列車駛走。
由於欣澳站中間係緊急月台、東涌綫同機場快綫嘅路軌，因此設有月台行人天橋連接1、3號月台同2號月台，方便乘客由迪士尼綫轉東涌綫返市區。
欣澳站屬於開放式設計，月台冇冷氣，月台上得幾部涼風機降溫，因此夏天非常炎熱，而落雨更會有雨水由天幕同地面之間嘅空隙隨風飄入。另外，由於該站用開放式設計，不適宜安裝月台幕門，所以起嗰陣改用高度較低嘅月台閘門，令欣澳站成為全港首個採用月台閘門嘅鐵路車站，呢種月台閘門嘅高度大約係其他港鐵站幕門嘅一半（約1.5米）。而為咗遷就迪士尼綫嘅列車設計，迪士尼綫嘅閘門矮東涌綫嘅大約1米。
車站出口
編輯欣澳站淨係整咗一個出入口，通往欣澳站公共運輸交匯處。呢個公共運輸交匯處原本設計喺緊急嗰時用，而家用嚟作往返愉景灣專線巴士嘅車站。
- A - 公共運輸交匯處
- 公共運輸交匯處、欣澳道
- 設有斜道及失明人士引導徑往返地面
- 設有斜道及失明人士引導徑往返地面
- 公共運輸交匯處、欣澳道
鄰接車站
編輯接駁交通
編輯愉景灣嘅管理組織香港興業開辦往來愉景灣、經愉景灣隧道、去欣澳站嘅專線巴士服務，編號為DB03R，於2005年9月17號投入服務，服務時間為每日0645-0115，欣澳站同東涌站一齊成為往來愉景灣嘅中轉車站。
大嶼山北部對外巴士線B5，由城巴營辦，來往港珠澳大橋香港口岸及欣澳站，經順朗路、北大嶼山公路及竹篙灣公路，部分班次亦繞經迪士尼樂園，乃配合港珠澳大橋啟用而開辦嘅接駁路線之一。
利用狀況
編輯由於欣澳站附近冇任何民居或旅遊設施，喺香港迪士尼樂園開幕同愉景灣接駁巴士通車之前，該站曾經幾乎無人用。而由於北大嶼山公路旁邊一段嘅機場鐵路係開放式路段，係睇車嘅好地方，所以吸引咗唔少鐵路迷利用欣澳站前往附近去影來往嘅列車。港珠澳大橋口岸接駁路線B5投入服務之後，都多咗人喺本站轉乘B5來往港九新界各區同港珠澳大橋。
車站歷史
編輯
西部外走廊
編輯前港英政府落實興建香港迪士尼樂園度假區同迪士尼綫之前，早喺1989年《機場及海港發展計劃》曾倡議喺陰澳及竹篙灣起新貨櫃碼頭、新港澳碼頭及新鐵路西部外走廊，以配合香港國際機場搬去赤鱲角及發展大嶼山。
當時政府建議西部外走廊在陰澳設站，以便與機場快綫交匯，形成一個完善鐵路網絡，因此在機場快綫興建初期，早已在陰澳決定興建一個車站。後因政府將西部走廊（現為西鐵綫）嘅營運權交畀九廣鐵路，加上中西區青洲填海計劃否決及新貨櫃碼頭決定喺青衣島興建，使有關計劃一直擱置至今。
車站命名
編輯規劃初期，本站用當地「陰澳」做車站名稱，即陰澳站，由於迪士尼公司及離島區議會認為陰澳嘅「陰」字未能配合迪士尼推廣其歡樂形象嘅目標，因此迪士尼公司及旅遊事務專員向香港政府地政總署及地鐵公司要求將陰澳打水灣地區及車站名稱改做「欣澳」，以配合迪士尼樂園務求營造嘅開心氣氛。
地政專員經過區議會諮詢後，決定批准是次變更，更於2003年刊登喺香港憲報內。因此地鐵公司將車站正式命名做欣澳站（英文名稱由Yam O Station改做Sunny Bay Station），寓意一個充滿陽光與歡欣嘅地方。後來，地鐵公司又於2006年1月1日將原有嘅「陰澳應急月台」易名做「欣澳應急月台」。
呢次改名並引起部分市民及學者反對，認為呢次改名做欣澳係錯誤理解陰澳嘅原意，更以外國文化取替咗本地文化。[1]
上一站‧下一站
編輯| 上一站 | 港鐵 | 下一站 | ||
|---|---|---|---|---|
往香港
|
東涌綫 | 總站
|
||
總站
|
迪士尼綫 | 總站 |
列車班次
編輯| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|
|||||||||
|
|
|||||||||
|
|
|||||||||
參考
編輯- ↑ 〈葉蔭聰：為何陰澳沒有迎接迪士尼？ | 閱報人〉。《獨立媒體》。2005-06-20。喺2022-02-06搵到。