麓湖兒童樂園
史 編輯
間嘢喺1983年起好[1][2],初期凈得簡單幾個遊樂設施,後嚟發展到好多娛樂化嘅品種,重加多咗個泳池。後嚟因為公園啲機動遊樂設施太過殘舊,加上原有嘅泳池喺2009年春遇到嚴重損壞而暫停營運,2011年3月1號開始關閉升級改造[3],直到同年7月4號重新開放[2]。2013年12月21號,由於公園大多數嘅遊樂設施達到報廢年限,所以公園又再關閉[4],期間搞全面改造直到2014年6月1號重新開業為止。2015年4月25號加多咗間水上樂園[5]。
2016年9月17號17:30(UTC+8),公園嘅水上樂園發生咗單溺水案。有位四川籍嘅包氏男仔帶咗位2歲男孫同位4歲嘅女孫落去游水,但隨後無耐,由於個包氏男仔凈掛住玩手機發微信,冇留意到兩位細蚊仔發生乜事。期間雖然2歲男孫可以正常返上岸,但4歲女孫不知所蹤。包氏男仔去到水池深水區時,發現咗女孫已經冇嗮呼吸意識。現場有好多位泳客對佢搶救,隨後白車亦到場將條女孫送到隔籬嘅廣東省第二中醫院搶救,但始終都救唔返[6][7]。事發後第二日同第三日,公園重俾包氏家屬大搞維權嚟抗議園方點解個泳場會冇乜救生員同埋深、淺水區之間得隻眼開隻眼閉嘅安全措施保護,令樂園一度閉園。
設施 編輯
公園佔地面積約1.5公頃,其中水上樂園有0.3公頃咁大。大多數分為自助遊樂同埋機動遊樂兩大項。其中:
- 機動遊樂項:海盜船、果蟲滑車、鯊魚島、立環跑車、追逐車、花果山漂流、好好玩電動車、湯瑪仕火車頭、土控飛機、旋轉木馬、碰碰車,7D影院。
- 自助遊樂項:水上樂園、跩跩城堡、沙畫、沙池、撈魚池、歡樂笨豬跳床、大搶禮品屋、打氣球、套圈,波波池。
註 編輯
- ↑ 【第111期·水城广州】 麓湖 流动在广州脸上的一汪潋滟秋水 互聯網檔案館嘅歸檔,歸檔日期2020年3月15號,. 广州数字图书馆
- ↑ 2.0 2.1 〈麓湖儿童乐园今日重新开放〉. 《大洋网》. 2011-07-04. 原著喺2012-02-04歸檔. 喺2016-09-22搵到.
- ↑ 〈麓湖儿童乐园缺钱难升级 重开时间月底公布〉. 《大洋网》. 2011-06-02. 原著喺2011-06-17歸檔. 喺2016-09-22搵到.
- ↑ 〈麓湖儿童乐园将停业大修〉. 《南方日報》. 2013-12-19. 原著喺2021-02-12歸檔. 喺2016-09-22搵到.
- ↑ 麓湖儿童乐园水上乐园正式开业啦[失咗效嘅鏈] 廣州白雲山
- ↑ 〈4岁女孩在麓湖公园溺亡 事发时救生员不在岗〉. 《廣州日報大洋網》. 2016-09-19. 原著喺2016-09-20歸檔. 喺2016-09-22搵到.
- ↑ 〈穗4歲女水上樂園溺斃父轟救生員袖手旁觀〉. 《東網》. 2016-09-18.