廣州藝術博物院
廣州藝術博物院（粵拼：gwong2 zau1 ngai6 seot6 bok3 mat6 jyun2；英文：Guangzhou Museum of Art）簡稱廣州藝博院（gwong2 zau1 ngai6 bok3 jyun2）；第個名係廣州美術館（粵拼：gwong2 zau1 mei5 seot6 gun2）；佢係中國廣東省廣州市嘅一間喺華南地區入面嘅大型多功能綜合性藝術博物館，喺越秀區嘅麓湖路入面，麓湖公園南邊嘅橫枝崗地區嗰度。呢間嘢重係廣州市嘅愛國主義教育基地。
介紹
編輯喺1957年，嗰時嘅朱光市長就提出喺呢度成立間美術博物館，結果俾廣州市政府批准咗，變成成個中華人民共和國入面，最早成立嘅其中一間美術博物館。新藝博院2000年9月開幕後同時保留返「廣州美術館」嘅牌，即係一套人馬兩塊牌同時運行。原仲元圖書館建築交畀廣州博物館作為分展區使用到而家。
呢間嘢有差唔多40000㎡嘅建築面積，入面有4層樓（地上3層樓、地下1層樓），有好多條扶手電梯同樓梯連住。
㔷埋咗嘅珍寶
編輯呢間嘢入面有好多展覽嘅設施同時，重㔷埋咗成幾萬件歷代藝術珍藏品。而珍藏品方面包括咗國畫、書法、油畫、版畫、水彩畫、水粉畫、漫畫、雕塑，甚至連唐卡、銅器、陶瓷同埋剪紙等工藝品都有收埋嚟呢度，尤其係嶺南地區嘅書畫作品係最多嘅。其實連中國內地比較珍貴嘅文物都喺埋度。
館區
編輯呢間博物館嘅館區方面，分別有以下呢啲展覽館同雕塑展區：
|
|
舊館
編輯館址原先喺越秀區越秀山上面嘅五層樓隔離。棟樓嘅前身係仲元圖書館（zung6 jyun4 tou4 syu1 gun2），1927年由國民黨元老——李濟深負責話起，建築師楊錫宗嚟負責設計，起到1930年先至起好。仲元樓借鑒咗北京故宮嘅文華殿嚟整。而大樓後面重整咗畫廊出嚟，入面重整咗高劍父紀念館同陳樹人紀念館呢兩間分館。喺而家嚟講，入面有300幾平方米嘅大廳同100幾平方米嘅名人畫廊。而廣場前面嘅五星崗環山碑廊就喺1987年起好，入面整咗118立方米嘅從晉到清嘅名人書法刻石響度；而1998年重喺間嘢嘅東邊繼續起碑廊，重整咗58立方米嘅《尺素遺芬》刻石出嚟。