黃四川 (香港)

黃四川，香港親中派政治人物，曾經係香港黑社會聯順堂成員，曾經被揭發有份計劃對民主派或其他政治人物作恐嚇行為。

部分公職

• 全港飲食大聯盟會長
• 新界地產代理商聯會會長

早年經歷

佢有從事地產行業經驗，曾經開設持有「嘉居城地產代理有限公司」，但呢間公司喺2003年因無力償債而被清盤，之後佢亦開設有四川地產。

喺雨傘革命期間，佢亦曾經參與反佔中同派發藍絲帶。

事件

被指有份脅迫自由黨周永勤棄選

喺2016年香港立法會選舉期間，自由黨喺新界西嘅候選人周永勤忽然喺選舉論壇宣佈退選，之後有一段錄音被傳媒廣泛報道，當中身為何君堯競選助理之一嘅黃四川，被揭發有份策劃威嚇狙擊周永勤，黃四川曾揚言要令周「開論壇都冇心機為止」。

黃四川回應事件嘅時候，質疑周永勤以竊聽嘅方式取得錄音，做法卑鄙，揚言提告誹謗。佢仲得到何君堯，何力撐黃四川係佢嘅「天使」。

被指有份參與元朗站襲擊事件同其他衝擊反送中運動嘅行動

喺反送中運動期間，7月16號喺元朗一場由反送中運動支持者舉辦嘅放映會發生衝突，之後，黃四川被影到，同八鄉分區指揮官李漢民交流、拍膊頭。

另外，喺7月21號，七二一元朗襲擊嗰陣，白衣人進入西鐵車廂襲擊市民後，黃四川曾經喺月台鼓掌。佢因為有份參與襲擊，去到9月20日被捕。