黑陶文化
黑陶文化，又叫龍山文化，係喺中國發現新石器時代一段文化，年代大約公元前3000年到公元前2000年。時間來睇係遲過彩陶文化少少。呢個文化有好多石器，骨器，蚌器，而最特別係有好多黑陶，即係黑蚊蚊嘅陶器，所以就叫黑陶文化。黑陶文化主要係黃河中下游發現，因為佢最先響山東省歷城縣龍山鎮發現，所以亦都叫龍山文化。
發展
編輯黑陶文化比陜西一帶彩陶文化發展得快好多，搵食架生唔單止款多，連數都多。皆因佢哋已經識得用車整陶器。占巫都好發達。社會已經有私產，變做父系社會，亦都開始有階級之分。城開始有雛形，因為已經有夯土造牆。
到咗後期，山西陶寺係家下發現到最大嘅黑陶文化遺址，有埋城牆。呢個時間已經種米。
新石器時代人口到咗呢個時間，已經係到頂。去到黑陶文化尾，人口跌得好快，墓裏面掘到嘅黑陶質素亦都無咁好。
黑陶
編輯黑陶燒陶嗰陣滲炭而變黑。呢陣時嘅黑陶係因為用車製，整嘅技巧好唔錯。黑陶外面亦都打到好滑。不過黑陶好易打爛，所以慢慢畀金屬取代。