龍圖
龍圖（Lung To，1910年—1986年10月），原名潘威林，廣東番禺人，香港電影人。
龍圖喺廣州三高中學畢業，1938年加入娛樂圈使助導同作曲。1939年編咗電影《孔雀開屏》個劇本。1941年開始做導演，自編自導咗齣粵語片《麗春花》，撞啱香港淪陷，要到1947年先至上映。淪陷嗰陣，佢曾經喺廣西幫佢個妹銀劍影嘅洛陽春劇團做劇務，重幫個妹寫咗齣劇《生紅娘》，大受歡迎，後尾佢兩次將齣劇搬上銀幕，就係1952年嘅《生紅娘三戲張君瑞》同埋1958年嘅《紅娘》。佢亦都曾經喺《人鬼恩仇》同《成家立室》客串現出。
嚮1960年代，龍圖同珠璣、黃岱、莫康時、胡鵬、馮志剛、李鐵、吳回、黃鶴聲、盧雨岐幾個香港電影導演結義，合資成立十兄弟電影企業公司，重聯合拍攝創業作《錦繡天堂》，成為一時佳話。