龍山排

龍山排，香港一排，水面現出幾嚿礁石。英文為West Rock，拼寫則為Lung Shan Pai 。橫喺東博寮海峽，介於鴨脷洲同南丫島之間，火藥洲西南，就喺私人屋苑海怡半島西面對出。行政上歸入香港島南區。雖則無人往，選區劃佢入海怡西。

海中龍山排。遠山為博寮。

東博寮海峽為水上要道，龍山排就近船來船往，不乏巨型輪船徑此入維多利亞港同葵青貨櫃碼頭。排上本來就有一柱立標，警示行船。及後一九七〇年，蜆殼公司起油庫響鴨脷洲。為保油船安全，公司向香港政府提話喺龍山排樹支燈標，由公司跟政府設計而建。燈標，即一柱上有導航燈，以免來往船艇撞中。支標編號一百九十五，然而唔少當係燈塔，稱龍山排燈塔。

排東南側有個渡頭仔，亦有石屎橋駁通幾嚿石，方便維修燈標。