龍運巴士

龍運巴士有限公司（Long Win Bus）係由載通國際控股有限公司（以前叫九龍巴士控股有限公司）全資擁有嘅巴士公司。間公司提供往返東涌/香港國際機場同新界市區嘅巴士服務。

歷史

龍運巴士由九巴喺1996年成立，用嚟競投當年運輸署招標嘅北大嶼山同埋赤鱲角新機場路線，並喺同年10月獲批來往嗰帶同埋新界區嘅巴士專營權。1997年5月22號青嶼幹線通車，龍運巴士開辦佢嘅首條巴士線E31，來往東涌市中心同埋舊荃灣碼頭。

赤鱲角機場喺1998年落成後，龍運亦開辦唔經機場後勤區直達機場嘅巴士服務。香港迪士尼樂園度假區喺2005年8月啟用後，亦開辦一條同城巴合營，往來青嶼幹線收費廣場嘅穿梭路線R8，接駁城巴同埋龍運嘅機場及北大嶼山路線，以及兩條直達迪士尼樂園度假區同埋新界嘅路線，但由於客量偏低，兩條新界線改由九巴派車行，班次更不斷削減。後來亞洲國際博覽館（機場博覽館）啟用，龍運亦會喺有節目散場之後營運兩條去屯門及沙田嘅單向路線，但因車隊數目嚴重不足，要借用九巴車行。

出面網頁

龍運巴士網站

呢篇龍運巴士係關於香港公司嘅楔位文章，重未完成嘅。麻煩你幫手補充佢嘅內容。

呢篇香港交通文係楔位文。歡迎幫維基百科擴寫佢。

龍運巴士係巴士楔位文，重未完成，麻煩你幫手補充內容。