龍門縣

中華人民共和國 > 廣東省 > 惠州市 > 龍門縣

乾隆時，龍門縣響省城東北，歸廣州府

龍門（粵拼：lung4 mun4）係中國廣東嘅縣，由惠州代管。龍門係粵客混居縣份，縣內主流方言係粵語廣府片嘅「龍門話」，客家話以惠陽片為主。

地理

山

龍門西便有藍糞山，西北便有分水凹山。

水

分水凹山兩邊，西便流溪入北江。東便西林水入東江。西林水又叫九淋水，來自西北三角山，匯合高明、白沙，向西南屈。之後再納埋群溪水同永清水，再入增城變增江。

西北有熱水湖。

史

由秦朝去到西漢，龍門縣係番禺縣地方。東漢開始，改為由增城縣管理。明朝弘治八年（公元1495年），龍門縣正式建縣。

大清時龍門屬廣州府，有廟子角巡司，後尾搬去永清墟。

1958年11月，龍門縣同增城縣合拼，叫增城縣，由廣州市管。1959年3月，屬於佛山專區。1963年6月，龍門縣改由惠陽專區管。1975年1月，龍門縣係廣州市管。1988年4月，龍門縣成為惠州市下面一個縣。

政區

2019年1月，有二街道九鎮一民族鄉，分別係，龍城街道，龍田鎮、平陵街道、龍江鎮（含路溪）、龍華鎮（含沙逕）、麻榨鎮、永漢鎮、龍潭鎮、地派鎮同埋藍田瑤族鄉。