龍門 (球場)
籠門[1]，誤寫做龍門[註 1]，係球類運動比賽場地内設置喺兩邊嘅長方形框架，由左右兩條垂直嘅門柱同連接兩條門柱嘅橫楣組成，籠門後面通常都有網。會用籠門嘅比賽包括有：足球、曲棍球、手球、水球、冰球等，每射一球入籠門就得一分，比賽時間完結之後得分較多嗰隊就為之贏，如果兩隊分數一樣就打和。
足球
編輯籠門嘅位置喺底線上嘅中央位置。籠門由左右兩條垂直嘅門柱同連接兩條門柱嘅門楣組成。兩條門柱內邊緣距離要係7.3米（8碼），門楣嘅下邊緣就距離地面2.44米（8呎）。籠門後面通常設有網，但球例並無規定一定要有。喺青少年、元老、殘障人仕、草根足球賽事（低組別賽事），可以根據佢哋嘅意願，選擇性修改門柱之間闊度同由地面至球門橫楣底嘅高度[2]。
