龔開（粵拼：gung1 hoi1，1221年—1305年）係中國宋末元初嘅畫家，字聖予，號翠岩，人稱髯龔、老髯等，喺江蘇淮陰出世。
龔開身高八尺，為人沉靜，被形容似古畫仙人劍客。龔開人喺盛年，南宋被蒙古勢力鯨吞。龔開所在地係歷代兵家必爭之地，龔開銳意建功立業，可惜唔得志。至1279年起南宋滅亡。龔開隱居，以賣畫為生，借繪畫宣洩對元朝統治嘅憤懣，例如《鍾馗擊鬼》、唐瘦馬，代表作《瘦馬圖》。其後隱士生活、山水畫、佛教題材，代表作《中山出遊圖》卷等。
