2011年吉祥航空拒絕避讓事件

2011年吉祥航空拒絕避讓事件係人類民航史上第一單聽到Mayday都唔避讓嘅事故。

2011年吉祥航空拒絕避讓事件
係一個aviation incident 喺Wikidata改呢個
發生喺中華人民共和國 喺Wikidata改呢個
日期2011年8月13號 喺Wikidata改呢個
座標31°11′57″N 121°20′10″E 喺Wikidata改呢個
2011年吉祥航空拒絕避讓事件嘅位置
Map
同肇事客機同型號嘅吉祥航空空中客車A320客機

事件經過 編輯

根據中國民航總局嘅調查報告,2011年8月13號,上海浦東國際機場因為雷雨覆蓋,造成上海入場管制區裏面有成20架飛機兜圈等降落。卡塔爾航空多哈浦東嘅QR888航班報告剩返無幾多油,要求轉飛上海虹橋國際機場,同時申請優先降落。控制中心即刻啟動咗優先降落程序畀QR888優先降落。QR888航班跟著報告:飛機剩返5分鐘續航能力[1],控制中心即刻要求空域裏面所有其他航班避讓。已經瞄準咗跑道嘅中國南方航空CZ3525航班即刻避開咗,但係重瞄準緊跑道嘅吉祥航空HO1112航班話自己都唔夠油,拒絕避讓。之後,QR888航班發出咗Mayday求救訊號,話嚴重唔夠油,要求優先降落。控制中心啟動緊急狀態優先降落程序,再次要求HO1112航班避讓,但係HO1112航班就話自己得返4分鐘續航能力,依然拒絕避讓。喺今次事件裏面,控制中心喺7分鐘之內6次要求HO1112航班避讓,但係HO1112航班硬係唔肯避讓。控制中心不得不叫QR888航班急轉360度,避開HO1112,最後安全着陸,無人傷亡。

民航總局後來調查過,吉祥航空HO1112航班(空中巴士A320)著陸之後,重有2900公斤油,即係話重有42分鐘嘅續航能力,之前機組講嘅「得返4分鐘續航能力」完全係講大話[2];QR888航班(波音777-300ER)着陸之後重剩返5200公斤油,即係話重有18分鐘續航能力,[2]民航總局認為卡塔爾航空嘅機組無故意違反任何規則,頂多祇係計錯數。

事後 編輯

由於今次事件係人類民航史上第一單聽到Mayday都唔避讓嘅事故,性質好嚴重,所以引起廣泛關注。

8月30號,民航總局宣佈:暫停吉祥航空擴展權,削減機隊3個月,同時唔准再招外籍飛行員;當時開HO1112航班嘅韓國籍機長馬上吊證,終身禁飛,副機長停飛6個月[3]

編輯

  1. 即係話離剩返最後30分鐘油祇有5分鐘。
  2. 2.0 2.1 祥卡航"油量门":你该知道的常识问题_发现者第144期_网易探索. 网易. 2011年8月26號. 原著喺2011年9月27號歸檔. 喺2011年8月26號搵到. {{cite news}}: Cite has empty unknown parameter: |coauthors= (help)
  3. 祥航空拒让门调查结果公布 当事韩籍机长被吊销执照. . 凤凰网. 2011年8月29號. 原著喺2019年5月14號歸檔. 喺2011年9月8號搵到. {{cite news}}: Cite has empty unknown parameter: |coauthors= (help)