2015年亞洲冠軍盃決賽

2015年亞洲冠軍盃決賽係2015年亞洲冠軍盃搞兩輪比賽而決定邊個嘅冠軍嘅比賽。頭輪喺2015年11月7號踢，尾輪喺2015年11月21號踢。兩輪夾埋總比分最多嘅隊（打和計作客入波），會攞到2015年亞洲冠軍盃冠軍，重代表亞洲區參加2015年世界冠軍球會盃。呢場比賽係亞洲足協第34次辦嘅最頂級足球會盃賽事，亦係第13次喺亞洲冠軍盃爭最高榮譽嘅比賽。

場地

• 
  頭輪喺拉斯德體育場踢
• 
  尾輪喺天河體育中心踢

亞足聯喺2013年定咗，呢屆亞冠決賽喺兩隊之間嘅主客場踢。

過程

喺2015年11月21號前後4日內，廣州地鐵嘅體育西路站、林和西站、體育中心站嘅站廳同部分月台整咗一啲同廣州恆大淘寶爭第2個亞冠冠軍有關嘅海報墻紙。

呢場決賽係由阿聯酋嘅杜拜國民對中國嘅廣州恆大淘寶。頭輪杜拜國民喺拉斯德體育場主場同廣州恆大淘寶踢成0-0，到咗廣州天河體育中心打嘅第二回合引起全中國人民關注，雖然門票開售嗰時，最高去到39000蚊，但一樣俾波迷秒殺嗮。比賽嗰晚廣州市區內各大酒吧、食肆、酒店幾乎爆滿，最後兩隊踢成1-0。

廣州恆大淘寶以兩輪總比分1-0而攞到2015年亞洲冠軍盃冠軍。