維基百科

2023年臺灣MeToo運動

(由2023年民主進步黨黨內性騷擾風波跳轉過嚟)
  呢篇文嘅正確標題應該係「2023年臺灣#MeToo運動」先至真。之所以無咗個#，係因為系統有技術限制（英文：Wikipedia:Naming conventions (technical restrictions)）。

2023年臺灣#MeToo運動係2023年5月開始，喺台灣揭發出一連串性騷擾事件嘅浪潮，源起自民主進步黨接連爆出黨內性騷擾，唔同事件橫跨2018去到2023年[1]，而且受害人投訴嘅時候，未有得到應有嘅處理，總統蔡英文同黨主席賴清德更加要出面道歉，同埋民進黨內部嘅性別平等機制。後來風波唔再局限喺民進黨內部，並且開始向其他政黨，例如國民黨、民眾黨、時代力量、台灣基進蔓延，到後期更加伸延到去校園、娛樂圈入面，好多藝人都受到波及，形成咗一場#MeToo嘅公民運動。

事態經過

編輯

前婦女部女黨工被合作廠商導演性騷擾

編輯

2023年5月31日，有民進黨前黨工喺Facebook度指控，話自己喺2022年9月工作期間受到承攬黨部工作之廠商名導「輝哥」薛朝輝性騷擾，而當時擔任民進黨婦女部主任嘅民進黨副秘書長許嘉恬冇提供適當嘅幫助，令佢感到二次受傷。該黨工指出，許嘉恬要佢詳細講述受性騷擾嘅細節，要佢回憶過去嘅情況，但得到許嘉恬冷冷嘅回應，甚至質疑佢點解當時唔跳離？點解唔叫人幫忙？，仲建議佢「去華山大草坪手牽手一齊練習大聲喊叫」。而且，佢原本可以由民進黨黨部支付嘅身心就診費用，受害人一條資訊都冇收到。令佢好失望，最終選擇離開民進黨[2][3][1]。

前青年部女黨工同事被性騷擾同埋職場欺凌

編輯

去到6月2號，又一位民進黨嘅女性前黨工，以「讓我為自己勇敢一次」為題，喺Facebook度公開自己嘅遭遇，話除咗遭到部門同仁陳右豪性騷擾，仲遭到上司同事嘅職場霸凌。佢唔止係直接指名加害者，仲直指當時嘅青年部主任同前勞動部政務次長機要蔡沐霖，話蔡反過嚟檢討佢。之後蔡就喺工作群度經常對佢冷嘲熱諷，甚至用污言穢語侮辱佢，佢當時甚至因為呢啲事患上憂鬱症，要食身心科藥物先可以繼續生活。因為受到好多次嘅言語同行為霸凌，最終令佢決定辭職返屋企靜養。然而喺交接工作嘅時候，受害者竟然喺黨中央10樓暈咗過去。佢話自己暈咗過嘅事情令民進黨高層有所察覺，但之後就冇再有任何追進嘅動靜[4][5][6]。

何孟樺點名作直播副主任林男固性騷擾黨工

編輯

曾任青年發展部主任嘅民進黨台北市議員何孟樺6月2號開記者會爆出仲有第三個案件，喺2018年佢做青年部主任嘅時候發生嘅，佢嘅同事遭受當時嘅組織部政務副主任林男固寫情書同半夜打電話騷擾。當時佢想報告處理，但發現黨最後調查要呈報俾中常會，令當事人可能面對媒體曝光嘅情況，令同事唔想處理。喺向當事人徵詢意願之後，佢表示唔想喺傳媒上曝光，所以冇啟動調查機制。不過，何亦呼籲黨應該全面檢討而家嘅通報機制[7][8]。

蔡沐霖被控喺爭取期間十指緊扣女性

編輯

6月2號，又有一名受害女仔出黎揭發，佢喺2019年去咗民進黨青年部做工，結果遭遇到職場性騷擾，之後證實係患上創傷後遺症[1]。

前青年部女工讀生被性騷擾

編輯

6月2號，又傳出第五宗性騷案，有人指控蔡沐霖無視女性黨工嘅意願，強行「十指緊扣」，不過蔡沐霖透過律師發表聲明否認，強調會透過司法手段捍衛自己的清白[1]。

民進黨黨內反應

編輯
  • 就針對副秘書長許嘉恬嘅指控，民進黨之後發聲明指一名前婦女部同事，喺去年九月工作時受到委託承攬嘅公司性騷擾，對事件表示嚴厲譴責[2][3]。
  • 蔡沐霖之後發聲明道歉，話自己感到後悔同虧欠[9]。
  • 喺兩單性騷擾爭議案被揭露後，6月2日下午，黨主席賴清德震怒，民進黨祕書長許立明連續兩次鞠躬道歉[1]。
  • 民進黨立法委員高嘉瑜、蘇巧慧、賴品妤都係向黨中央發聲，要求詳細調查同徹底檢討呢次疏失，絶對唔可以容忍。高嘉瑜講，類似職場性騷擾嘅案件，受害人通常要面對巨大嘅心理壓力，先有勇氣站出嚟，勇敢面對騷擾者。佢批評許嘉恬係對受害人嘅傷口灑鹽[10]。

外間回應

編輯
  • 時代力量
    • 黨主席王婉諭講，性平爭議連番爆發後，民進黨就一定要徹底檢討同改善處理職場性騷擾嘅程序，作為執政黨，民進黨唔能夠冇能力自我要求更加嚴格，呢個令人感到遺憾。王婉諭仲講，身為時代力量黨主席，佢亦會積極檢視黨內制度，加強落實性平意識。佢都真心希望，而家嗰啲受害者敢於站出嚟，希望社會大眾可以多啲支持同陪伴佢哋，請酸民唔好再質疑佢揭露事實嘅原因，停止任何可能再次傷害佢哋嘅行為。[11][12][13]。
    • 發言人余佳蒨批評，許嘉恬本身都曾經受到性騷擾，但係佢冇同情同理解被害人，反而用唔恰當嘅言辭令當事人再次受傷，絕對係最差嘅性平教育範例。至於國民黨對民進黨嘅批評，余佳蒨直指國民黨對待黨內性平事件嘅處理手法係雙重標準，並且舉宜蘭縣議員黃浴沂嚟作例子。余佳蒨亦強調，性別平等係基本人權價值，亦係政治工作者要努力實踐嘅目標，呼籲藍綠兩黨面對性平爭議事件要正視對待[14]。
  • 民眾黨
    • 民眾黨立委陳琬惠痛批民進黨內部亂咗套嘅制度，就好似加害者咁。陳琬惠仲講，希望將來會有更多受害者可以勇敢咁面對權力同暴力[13]。
  • 台灣民意基金會
    • 台灣民意基金會董事長游盈隆講，呢個事件好嚴重影響到民進黨嘅形象，如果處理唔好，可能會導致好多年輕人、女性、高學歷同埋中產階級嘅選民流失，好大程度上影響到民進黨嘅總統選舉同立委選舉選情。佢又話事件除咗係性別平等問題，仲係基本人權問題。一個宣揚自由、民主、人權同一切進步價值嘅政黨，內部竟然藏住咁多對女性黨工嘅性騷擾同埋可惡嘅職場霸凌，真係令人震驚、憤怒萬分、火冒三丈[15]。

參考

編輯
  1. ↑ 1.0 1.1 1.2 1.3 1.4 中時新聞網 (2023-06-02)。〈民進黨2024完蛋了？「性騷5案」連環爆 事件始末一次看 - 政治〉。《中時新聞網》 (中文)。喺2023-06-03搵到。
  2. ↑ 2.0 2.1 〈民進黨副秘書長許嘉恬爆吃案性騷擾｢反問為何不叫不跳車｣ 黨道歉了 | 政治〉。《Newtalk新聞》 (中文)。2023-06-01。喺2023-06-01搵到。
  3. ↑ 3.0 3.1 NOWnews今日新聞 (2023-06-01)。〈民進黨爆性騷 前黨工控主管「高舉婦權旗幟未成為我的翁文方」 | 政治快訊 | 要聞〉。《NOWnews今日新聞》 (中文)。喺2023-06-01搵到。
  4. ↑ 中時新聞網 (2023-06-02)。〈民進黨再爆性騷吃案！她申訴反遭指「燒火」 揭蔡沐霖隱匿加霸凌 - 政治〉。《中時新聞網》 (中文)。喺2023-06-02搵到。
  5. ↑ 中時新聞網 (2023-06-02)。〈民進黨又爆性騷擾 前青年部主任蔡沐霖臉書遭網友灌爆 - 政治〉。《中時新聞網》 (中文)。喺2023-06-02搵到。
  6. ↑ 聯合新聞網。〈遭控逼受性騷者道歉！綠營蔡沐霖曾選立委黨政經歷豐富〉。《聯合新聞網》 (中文)。喺2023-06-02搵到。
  7. ↑ 〈快訊》民進黨爆性騷第3案！何孟樺喊話「盼黨檢討通報機制」 | 政治〉。《Newtalk新聞》 (中文)。2023-06-02。喺2023-06-02搵到。
  8. ↑ 自由時報電子報 (2023-06-02)。〈民進黨性騷擾案連3爆 組織部副主任林男固火速請辭 - 政治〉。《自由時報電子報》 (中文)。喺2023-06-02搵到。
  9. ↑ 中時新聞網 (2023-06-02)。〈蔡沐霖道歉了！最新聲明 「感到後悔與虧欠」 - 生活〉。《中時新聞網》 (中文)。喺2023-06-02搵到。
  10. ↑ 〈民進黨陷性騷吃案風波 高嘉瑜、蘇巧慧、賴品妤向黨中央喊話「絕不能姑息」 -- 上報 / 焦點〉。www.upmedia.mg。喺2023-06-02搵到。
  11. ↑ 中時新聞網 (2023-06-02)。〈民進黨又爆性騷擾 前青年部主任蔡沐霖臉書遭網友灌爆 - 政治〉。《中時新聞網》 (中文)。喺2023-06-02搵到。
  12. ↑ Storm.mg (2023-06-01)。〈民進黨性騷事件遭吃案 時代力量：性騷零容忍，民進黨性平學分死當-風傳媒〉。www.storm.mg (臺灣中文)。喺2023-06-02搵到。
  13. ↑ 13.0 13.1 NOWnews今日新聞 (2023-06-01)。〈綠前黨工性騷擾遭吃案 陳琬惠批：民進黨內部失序體制變加害者 | 政治快訊 | 要聞〉。《NOWnews今日新聞》 (中文)。喺2023-06-02搵到。
  14. ↑ 聯合新聞網。〈時力嗆國民黨面對性平雙標 刮別人鬍子先把自己刮乾淨〉。《聯合新聞網》 (中文)。喺2023-06-02搵到。
  15. ↑ 中時新聞網 (2023-06-03)。〈性騒案重創民進黨選情？游盈隆斷言將流失「這4類」選民 - 政治〉。《中時新聞網》 (中文)。喺2023-06-03搵到。
由「https://zh-yue.wikipedia.org/w/index.php?title=2023年臺灣MeToo運動&oldid=2008391」收