阿拉斯加州

阿拉斯加州（英文：Alaska）係美國嘅聯邦州，亦係北美洲最西北嘅聯邦州。州嘅東面同加拿大嘅英屬哥倫比亞省同育空地區相鄰，最西端係阿圖島，同俄羅斯喺白令海峽以西有海上邊界。以北有楚科奇海同波弗特海，係北冰洋最南嘅部分。太平洋喺州嘅南面同西南面。呢個州係美國最大嘅州，亦係世界第7大政區。另外，阿拉斯加州係人口第3少同最稀疏嘅州份。不過阿拉斯加都係北美洲北緯60度線以北人口最多嘅領土，人口（根據2015年美國人口普查局調查有738,432人）比加拿大北部同格陵蘭嘅加埋重要多四倍有淨。阿拉斯加州有接近一半嘅人口都住喺安克拉治都會區。阿拉斯加州經濟係由漁業、天然氣同石油工業壟斷，呢個州有好多呢類嘅資源。軍事基地同旅遊業都貢獻咗一部分嘅經濟。

阿拉斯加州

State of Alaska

舊唐名:【蘇聯亞拉士加】
號稱: The Last Frontier
州府	朱諾
州長	Bill Walker
幅員 - 畝數  - 水域比例	(花旗第1位) 424,496,886 英畝 13.77 %
居民 - 人數  - 擠逼指數	(花旗第47位) 738,432 人 0.001 人/英畝
字頭	AK
官府電腦網	www.alaska.gov

美國喺1867年3月30號用咗720萬美金從俄羅斯帝國買咗阿拉斯加，大約係每平方公里4.74美金。買咗之後經過好多次行政易手，喺1912年5月11號成為咗建制領地。呢個州喺1959年1月3號加入美國，成為第49個州。

沿革

西元1741年羅宋人域圖士白令踏足此地後，亞拉士加隨即歸屬羅宋帝國。而去到西元1867年，呢笪地皮轉手買畀花旗，1912年升班做花旗屬地，1959年坐正，卒之入冊花旗行省之一。

與地

亞拉斯加有三分一位處北極圈內，三面環海，對上係北極海，西便係白令海，南便就係太平洋。而東便見到同加拿大棱住。南便對入係成個海皮都係山，僅餘平地全年結冰，凍到騰騰震。中部大高峰位列北美至高（20,321英呎）。北方東向西係布魯克斯嶺，而中間有條育空河貫穿全省。

繙譯

花旗國行省無官府改定嘅中文名，繙譯全憑各大報章雜誌師爺智慧。