座標: 66°0′0″N 169°0′0″W / 66.00000°N 169.00000°W / 66.00000; -169.00000

白令海峽粵拼baak6 ling6 hoi2 hap6英文Bering Strait俄文Берингов пролив)係分隔亞洲北美洲海峽,喺俄羅斯楚科奇美國阿拉斯加之間,連接北冰洋楚科奇海太平洋白令海之間嘅水上通道。呢條海峽係亞洲北美洲嘅分界、俄羅斯同美國嘅分界、蘇亞迪半島楚科奇半島嘅分界、太平洋同北冰洋嘅分界、白令海楚科奇海嘅分界,國際日期變更線都經過呢條海峽。

白令海峽

編輯

 
白令海峽隔開咗亞美兩個大陸

呢個海峽嘅名係出喺發現佢嘅丹麥探險家——白令

1728年6月,嗰時嘅沙俄(而家係俄羅斯)海軍軍官——白令,因為受到皇帝嘅要求喺堪察加河口度出發,睇下沙俄嘅東北邊係咪同北美洲西北邊連埋一齊。不過佢到咗北緯67°18′呢邊,發現重證實咗呢兩個大陸冇連埋一齊,重隔咗條好闊嘅海峽響度。後嚟啲人為咗紀念佢發現咗呢條海峽,所以「白令海峽」嘅名就係噉嚟。

敘述 編輯

海峽全長60公里,闊35——86公里,水深30——50米。喺海峽入面有「代奧米德群島」響度,將海峽分成3條通道。

其中海峽最窄嘅位,係從俄羅斯東北邊嘅楚科奇半島最東邊——西經169°39′7″嘅東方角開始,一直去到美國阿拉斯加州蘇亞迪半島最西邊——西經168°7′12″嘅威爾士王子角嗰頭。

所謂「國際日期變更線」 編輯

內文:國際日期變更線

1519年——1522年,嗰時有位嗌麥哲倫嘅人搞環球航行,而航行日記就準確噉寫住日期,話喺1522年7月9號返到英國嘅,但實際嗰日係1522年7月10號。

結果過咗好耐,終於有人搵出係咩筍嘢。係因為麥哲倫嘅船隊由東向西行嘅,而地球喺度唔停噉從西向東轉。搞到白天船隊猛咁追住向西移嘅太陽,而晚黑船隊就匿埋出緊嚟嘅太陽公公。搞到每日長咗分半鐘,而呢3日航行就啱好挾埋係24個鐘咁耐。喺嗰時,佢哋嘅時差唔係凈用幾點嚟計、重計埋分秒添。搞到好多人喺日常生活同工作入面,搞出咗成身蟻。

為咗唔使喺地球入面搞個亂嗮龍嘅日期劃分出嚟,喺1884年10月13號召開嘅國際經度會議入面規定咗:原則上以東西經180°為地球上嘅「今日」同「尋日」嘅分界線,叫「國際日期變更線」。而呢條日界線咁啱就經過條海峽嘅中間,佢就將代奧米德群島一分為二,其中東邊嘅大島屬俄羅斯,西邊嘅細島屬美國。雖然話呢兩個島隔咗3.9公里咁近,但係兩個島之間嘅日期就差咗足足一日(24個鐘)咁耐。如估大島嘅居民敲響咗大除夕嘅新年倒數鐘聲嘅話,細島啲人先至係大除夕嗰日嘅開始。啫係話:

  • 東邊向西過白令海峽:日期加一日
  • 西邊向東過白令海峽:日期減一日

美蘇外交 編輯

冷戰時期,白令海峽係前蘇聯(喺1992年初解咗體,而家係俄羅斯)同美國嘅邊界,由於蘇聯嘅大代奧米德島距離美國嘅小代奧米德島先至得3.9公里咁近。喺傳統入面話,嗰邊嘅當地人成日都喺呢條邊界例行訪問、慶祝節日同埋生活貿易[1]。佢哋有時一陣喺美國、一陣喺俄羅斯噉樣。不過嗰時呢種做法係絕對唔得[2],因為呢條邊界係完全封死嗮。一直到1987年,有位美國游泳員——蓮戈士英文Lynne Cox因為成功橫渡白令海峽先至放開咗俄美兩國之間嘅外交關係緊張嘅情況[3]。嗰時重俾列根戈爾巴喬夫頒咗份大獎畀佢。

白令海峽橋 編輯

冰河時期,由於白令海海平面降低咗好多,嗰時嘅白令海峽變咗條白令海陸橋。而考古學家佢哋話,美洲印第安人祖先就係從亞洲嗰邊嚟嘅獵人,跟住堆獸就嚟咗北美洲度住。

白令海峽大橋 編輯

喺亞洲位置 編輯

相關書籍 編輯

  • 《分界线众多的地方——白令海峡》 中国少年儿童百科全书 自然·环境 第217——218页 浙江教育出版社 ISBN·7-5338-1946-2/G·1942
  • 《国际日期变更线是怎么回事》 少年万事通 第198——199页 内蒙古少年儿童出版社 ISBN·7-5312-1106-8/I·225
  • Oliver, James A. (2006, 2007 (Revised)). The Bering Strait Crossing. Information Architects. ISBN 0-9546995-6-4. {{cite book}}: Check date values in: |date= (help)
  • "Russia Plans World's Longest Undersea Tunnel". Daily Tech. 2007-04-24. 喺2008-01-11搵到.
  •   Chisholm, Hugh, 編 (1911). "Bering Island, See and Strait". 英百科全書 (英文).第3卷 (第11版). 劍橋大學出版社. pp. 775–776.

睇埋 編輯

編輯

  1. "State of Alaska website". 原著喺2009年8月31號歸檔. 喺2014年9月3號搵到.
  2. "State of Alaska website". 原著喺2009年8月31號歸檔. 喺2014年9月3號搵到.
  3. "Swimming To Antarctica", CBS News, September 17, 2003

出面網頁 編輯