DKIM

DomainKeys Identified Mail（解「域名密匙識別郵件」；簡稱DKIM）係套電郵認證機制，用嚟偵測假冒電郵地址呢個喺發送釣魚郵件同垃圾電郵常見嘅伎倆。

DKIM令收信人可以檢查電郵嘅來源域名，確認份電郵係個域名嘅主人批准咗發送嘅。運作原理係靠喺每份電郵後面加個數碼簽名，而個簽名係同個域名係有關連嘅。想驗證個簽名嘅話，收信嘅系統可以透過查詢DNS攞個域名嘅公開密匙。一個有效嘅簽名亦都可以保證份電郵嘅某啲部分喺簽咗名之後無畀人改過。

DKIM係個互聯網標準，2011年喺RFC 6376度定義，並喺RFC 8301同RFC 8463度更新過。