Fatality
Fatality（近似粵拼：fei6 taa1 lit6 ti4）係格鬥遊戲《 真人快打系列》裏面殺死對手嘅終結招式。到咗 1996 年，英文 fatality 呢隻字詞經已俾人廣泛噉攞嚟指格鬥遊戲入面殺死對手嘅最終招式[1]。
喺《真人快打系列》當中，當一個玩家成功將對手打到生命值變 0 嗰陣，對手會進入幾秒嘅暈眩狀態然後倒下；喺呢段期間，遊戲會鼓勵玩家做低佢！（Finish him/her!），而如果玩家喺呢個時候成功撳某一段特定嘅掣，玩家角色就會用一啲殘酷嘅方法將對手殺死肢解，最後畫面會出現血紅色嘅 fatality ——呢隻英文字詞本嚟係致命性噉解。
由於呢啲終結技暴力得好交關，《真人快打系列》喺當時引嚟咗社會批評，有好多家長覺得呢個系列教壞細路[2]。不過《真人快打系列》最後取得咗相當大嘅成功。