FiveThirtyEight

FiveThirtyEight ，又叫做538 ，係一個專注於民意調查分析、政治、經濟同埋體育嘅網誌。網站喺2008年3月7號建立，個名來自美國選舉人團中選舉人嘅數量^[1]。初時只係一個由Nate Silver撰寫嘅網誌同埋一個民調採集工具。2010年8月，博客成為咗紐約時報網站中嘅一個特色欄目，當時叫做「FiveThirtyEight：Nate Silver嘅政治微積分」。2013年7月，ESPN宣布會收購FiveThirtyEight品牌同埋網站，同時任命Nate Silver做網站嘅首席編輯^[2]。被ESPN收購之後嘅網站喺2014年3月17號正式出街。收購後，FiveThirtyEight擴展咗佢涵蓋嘅內容，增加更多好似政治、體育、科學、經濟與流行文化嘅文章。