N無人士係源於香港嘅詞彙，形容個別嘅基層人士。呢啲人多數都係社會基層，收入低微，「N無」係指佢哋由於唔同嘅原因而未能夠享用各種社會福利。
由於呢類人都係冇物業、唔係住喺公屋、冇攞綜援、唔使交薪俸稅嘅低收入人士，佢哋都係處喺一般政府支援系統以外，所以政府提供嘅公屋免租金、發放額外綜援標準金額，甚至係免差餉、電費補貼、退稅等紓困措施，往往都係冇佢哋份[1]。
