鴕鳥

鴕鳥（學名Struthio camelus）係種唔識飛嘅雀鳥，亦係最大型嘅雀鳥（自恐鳥、象鳥一類絕種之後）。學名係由瑞典博物學家林奈發明，原因可能係話佢同駱駝有相似嘅地方（身型大份，強壯嘅腿，住響沙漠）。鴕鳥公可以高到去 2.5 米，重到去 155 千克，公細啲，兩翼退化咗，龍骨突唔發達，唔識飛，但係走得好快（時速可以去到每個鐘 65 千米），腳有二趾。雀公黑色，尾嘅羽毛白色，係非常有價值嘅裝飾羽毛。一般係鴕鳥公帶住幾隻鴕鳥乸羣居。

How to read a taxobox 鴕鳥
喺元朗影嘅鴕鳥
瀕危指標
最唔使理（Least Concern） (LC)
物種分類
界 動物界 Animalia 門 脊索動物門 Chordata 綱 鳥綱 Aves 目 鴕鳥目 Struthioniformes 科 鴕鳥科 Struthionidae 屬 鴕鳥屬 Struthio 種 鴕鳥 S. camelus
二元學名
Struthio camelus Linnaeus，1758年
現時鴕鳥嘅分佈圖
亞種
北非鴕鳥（S. camulus camulus） 東非鴕鳥（S. camulus massailcus） 索馬里鴕鳥（S. camulus molybdophanes） 南非鴕鳥（S. camulus australus） 敍利亞鴕鳥（S. camulus syricacus）

圖中女士所帶嘅帽有用鴕鳥毛做裝飾

喺非洲影嘅鴕鳥

佢哋嘅細小又退化咗嘅翼被雄性鴕鳥響交配時展示。又可以用嚟畀小鳥遮陰。翅膀上羽毛同其他飛行鳥類嘅硬翅膀好唔同，佢哋係絕熱嘅。響上面重有爪。強壯嘅大脾上冇羽毛，用兩腳趾企喺度，大啲嗰個就似係蹄。呢果係鴕鳥獨特適應能力，為咗應付突如其來危險而走路。鴕鳥有大眼球，帶住濃黑嘅眼睫毛，眼球係陸上生物之中最大嘅，得鯨魚嗰隻係大隻過佢。

行為

鴕鳥過住遊牧噉嘅群居生活，一般由5-50隻不等，響佢哋旁邊不時拍住其他迷人嘅動物，比如斑馬、羚羊等。佢哋主要食植物，有時都食小動物比如蝗蟲，螞蟻。由於佢哋冇牙，佢哋會吞一啲石仔幫助磨碎胃裏面嘅嘢食。鴕鳥可以長時間唔飲水，可以靠攝取植物中嘅水分嚟生活。然而，佢哋係好鍾意水，成日沖涼。

佢哋視力良好，可以好遠見到其他掠食動物，比如獅子，亦可以每小時65公里嘅速度逃走。但最近有人拍攝到獵豹成群合力捕食鴕鳥嘅相片。

分布

響非洲沙漠地帶同荒漠草原生活。

繁殖

鴕鳥巢

鴕鳥蛋

鴕鳥2到4歲性成熟；鴕鳥乸要比鴕鳥公早六個月。每年三四月份到九月係交配季節。交配過程好特別：一班鴕鳥乸打交，再根據贏出嘅順序排定同雄鴕鳥嘅交配順序。

鴕鳥蛋重量可達1.3公斤，係已知世界上最大嘅鳥蛋（重可以企到一個人），但其實鴕鳥蛋相對鴕鳥嘅身體嚟講比例是所有鳥中最細嘅。雌鳥生蛋嘅巢可以容納15到60個咁大嘅蛋。色水係光亮嘅白色，鳥蛋日頭由雌鳥孵化，晚上則由雄鳥孵化。懷孕期一般為35-45日。鴕鳥有30-70年命，平均為50年左右。

保育狀況

鴕鳥基本上唔屬於瀕危物種，歷代嘅動物園同埋商業性質嘅農場都有飼養。美國第一派鴕鳥係喺1882年，由旅行家查理斯帶返嚟，當時佢喺南非帶咗約200隻鴕鳥回國，但最後只有22隻生存到。呢22隻鴕鳥全部被送去加州南部繁殖，而美國史上第一隻鴕鳥仔係喺1883年7月28號孵出嚟。

響香港，家下得元朗大棠荔枝山莊有養，而海洋公園嘅百鳥居，喺1990年代亦都養過鴕鳥。

睇埋

• 南非鳥類