《#PTGF出租女友》(英文:P.T.G.F),係2021年開拍嘅港產片,由蕭定一出品,鄭峰嵐執導,趙善恆、鄧月平領銜主演。故仔改篇自真人真事網絡小說,用援交妹做主題。而製作班底之前拍過《作家的謊言:筆忠誘罪》、《西謊極落之太爆太子太空艙》同《棟篤特工》。
電影公司喺2020年12月搞咗個公開試鏡,話會優先考慮國泰航空、港龍航空同香港航空嘅前從業員,最後有14位新演員有份演出。