香港航空

香港航空公司（Hong Kong Airlines），係一間香港註冊同埋以香港做營運基地嘅航空公司，佢而家係中國海南航空集團旗下。如果唔計已經執咗嘅舊香港航空，香港航空係香港第三間航空公司。

香港航空 Hong Kong Airlines
IATA HX ICAO CRK 呼號 BAUHINIA
創立	2006年
營運基地	東薈城
樞紐機場	香港 香港國際機場
飛行常客 獎勵計劃	金鵬俱樂部
機場貴賓室	紫荊堂（Club Bauhinia） 遨堂 ( Club Autus )
子公司	Hong Kong Airlines Cargo[*]
飛機數量	39
通航城市	約40
口號	Where Hong Kong begins 很年輕、好香港
母公司	海南航空
總部	香港赤鱲角過路灣路28號香港航空訓練大樓
重要人物	侯偉（聯席主席） 張逵（副主席） 鄧竟成（副主席） 王利亞（副主席兼總裁） 戰學偉（副總裁） 王證皓（首席營運官） 劉江（首席品牌官） 羅嘉奇（首席財務官）
官方網站	http://www.hongkongairlines.com
[改維基數據]

呢篇文係香港航空系列之 一
官方機構 民航處 機場管理局 政府飛行服務隊 香港義勇軍航空部隊 皇家香港輔助空軍
民間飛行組織 香港飛行總會
航空配套 港機工程
香港機場 赤鱲角機場 石崗機場 啟德機場 （啟德發展計劃） 粉嶺機場 沙田機場
香港航空公司 國泰航空／HK Express 香港華民航空 香港航空 香港貨運航空 大灣區航空 空中快線 香港執咗笠嘅航空公司一覽 國泰港龍航空
其他香港系列
文化 - 經濟 - 教育 地理 - 歷史 - 政治 香港主題首頁

佢前身係2001年成立嘅中富航空（CR Airways）。2005年畀海航集團收購咗，2006年9月30號改名做香港航空（Hong Kong Airlines）。

歷史

中富航空客機（2006年）

香港航空第一代塗裝嘅波音737-800

香港航空第二代塗裝嘅空中巴士A330-200

香港航空最新塗裝嘅空中巴士A330-300 (B-LNN)

中富控股時期

2001年3月28號，中富航空有限公司正式成立，由中富控股持有，初期係一間直升機服務公司。喺美國買咗一架全新直升機，諗住喺珠江三角洲地區做不定期客運服務。長遠目標將直升機機隊增加到四至六架。

2002年3月，獲香港民航處發出航空營運許可證，成為香港第三間商用直升機公司，開始籌備正式營運。

2003年5月，中富航空（直升機）有限公司成立。除咗專做直升機客運服務外，重提供醫療拯救、觀光同埋遊覽服務，重有離岸工程人員嘅運載支援。

2003年6月27號，獲香港民航處發出新航空營運許可證，畀佢營運首架龐巴迪CRJ-200支線飛機，成為香港第三間採用定翼機提供商業客運服務嘅航空公司。

2004年，泰國東方航空有意入股中富航空，但喺10月宣布談判告吹，原因喺由於無法就入股條件同中富控股達成共識。泰國東方航空希望買中富航空49%股權，但中富只肯賣40%股份，令談判告吹。

2005年底，中富航空同波音就購買窄體客機同埋寬體客機進行磋商。中富航空計劃買波音737-800窄體飛機同埋787夢想飛機（Dreamliner）簽署諒解備忘錄，以配合公司飛去中國大陸城市，應付航空旅遊嘅急速需求。波音同中富雙方都未透露購買飛機嘅數量，但據香港媒體透露，中富航空將會買入40架飛機，其中30架係737客機，10架係夢想飛機。

有經濟分析師認為，呢份價值33億美金嘅訂單將會對香港老牌航空公司國泰航空同港龍航空構成真正威脅。此外機隊規模確實可觀，訂單中嘅長途機型會幫得到公司拓展新航線。而外界就認為呢次增購客機一事係咗除本身嘅直升機服務外，為加入做定期客運服務作出準備。

2005年底，海南航空就收購中富航空股權進行談判。

2006年初，出售45%中富航空畀海南航空大股東-新華航空（China Xinhua Airlines）。

2006年8月，中富控股主席葉長青辭任中富航空董事，蒙建強、任衞東及李強先後於8月13同16號被委任為董事。

2006年9月，消息指葉長青已出售餘下55%股權畀香港註冊嘅新華航董事-蒙建強，成為香港航空嘅大股東。蒙建強同中國海航集團關係密切，令海航集團實際完全擁有中富航空。

海航集團時期

2006年9月30號，中富航空改名做香港航空，換新標誌、新空中服務員制服，更新機隊。

2006年，引入第一架波音737客機。營運香港至中國二線城市嘅航線。

2010年正式加入IATA。

2010年6月，接收第一架A330客機，並執行飛莫斯科嘅航班，成為香港第三間開辦長途航線嘅航空公司。A330客機會服務香港直飛北京、曼谷等高載客量嘅一線航線。

2010年7月，宣布增購10架A330客機，原先訂購嘅15架A330客機，將改做A350-XWB。

2010年9月，接收第一架A330-200F純貨機，貨運業務拓展至純貨運航班，並成為全球第二間，同亞洲第一間營運A330-200F貨機嘅航空公司。

2011年，第一次畀SKYTRAX評為四星級。

2011年6月，喺巴黎航展宣佈將會訂購10架A380客機，總值380萬美元（約2900萬港元）。

2011年11月，宣佈開辦從香港直飛倫敦嘅航班。

2011年12月13號，上海A股上市嘅海南航空股份全資子公司海南航空（香港）有限公司嘅全資子公司Hainan Airlines Investment Holding Co. Limited以總價8.42億人民幣（10億港元）、注資香港航空，注資後持有香港航空嘅19.02%股權。

2012年3月，用三架特別佈置嘅A330-200商務客機執飛來往倫敦同香港嘅直飛長途航班。嗰三架商務客機只配置兩個商務客艙(Club Premier同Club Classic)，重有空中酒吧、WiFi同個人娛樂系統等，而Club Premier艙嘅旅客重可享用轎車接送服務同180度平瞓睡床。依家商務客機已經轉番做帶有長途商務客艙同標準經濟客艙配置。

2012年8月15號，表示未來將善用區域業務嘅優勢，專注喺亞太地區。亦都會重新部署機隊組合，重點加強喺中國、東南亞、日本同韓國。用新嘅空中巴士逐步取代波音737客機，轉做全空中巴士機隊，提高服務同慳番維修方面嘅錢。

2012年底，決定將10架仍未接收嘅A380定單，減少至唔多過5架，剩番嘅5架定單可能會取消，或改買較細機型嘅A330、A350客機。

2012年12月，引入A330-300客機，配備全新長途型商務客艙，可延伸至180度平瞓睡床，執飛更多優質客源需求大嘅航線。

2013年中，贊助TVB電視劇集《衝上雲霄II》。

2013年10月，對航線進行全面整合，將部分休閒航線撥畀香港快運。

2014年6月，香港國際機場嘅全新旗艦貴賓室「紫荊堂」正式開幕，進一步提升地面服務。

2015年2月，贊助電影版《衝上雲霄》。

2014年7月，獲SKYTRAX頒發年度「全球最傑出進步航空公司」（The World’s Best Improved Airline），重連續第三年蟬聯SKYTRAX四星航空公司評級。

2015年2月，香港航空同香港機場管理局就分租土地興建飛行培訓中心簽訂協議。香港航空將於香港國際機場東南面一塊面積約0.6公頃嘅土地興建飛行培訓中心。

2015年12月28號，飛去沖繩嘅HX658航班成為第一班由中場客運廊出發嘅離港航班。

2016年4月，宣佈推出自助行李托運服務。

2016年9月，宣佈同空中巴士公司簽署購機協議，訂購9架A330-300飛機。

企業形象

香港航空原總辦事處所在嘅中航大廈

主題標誌

香港航空用亮麗紅色同紫色做主色，融合到制服同客艙之中，同香港旗同市花洋紫荊互相呼應。同時佢嘅標誌亦由香港市花洋紫荊演化而成，象徵同香港密切連繫。

推廣

為咗配合企業主題，香港航空曾請亞運國術銀牌得主杜宇航同女藝人陳嘉桓做代言人。目前香港航空最新企業主題係「很年輕，好香港」。

電視廣告

香港航空歷年嚟推出咗多輯廣告，每輯廣告都有獨立主題同理念。

2007年：「詠春」

請藝人陳嘉桓示範詠春。

2010年：「分分鐘想飛」、「香港航空樂優游」

有關航空業嘅問答遊戲資訊節目，喺無線電視翡翠台同高清翡翠台播出。

2013年：「將更好的帶上雲霄」

展示客席教練陳嘉桓、奧運體操冠軍張楠、滕海濱，同埋香港前亞洲運動會代表梁志賢培訓旗下空中服務員概況，帶出佢服務細緻嘅意念，呼應「很年輕、好香港」嘅企業主題。

2016年：「飛悅精彩」

以十週年尋找精彩遊歷之最為主題遠赴澳洲、中國、日本同台灣等地取景拍攝，展示香港航空涵蓋全球各地嘅航點，締造「飛越地平線」嘅意境，象徵希望、邁步前進、展望將來同埋積極擴展全球航線嘅朝氣同動力。

電影及媒體

2012年，贊助同協助製作航空時裝劇集《衝上雲霄II》，除咗借架客機同登機櫃檯畀TVB拍攝外，亦提供多項形象設計畀片中嘅虛擬航空公司做參考。

2013年，同泰國旅遊局合作，推出微電影《還‧愛》，用嚟推廣泰國旅遊。

2014年，同寰亞傳媒集團、邵氏公司合作，贊助《衝上雲霄》電影同協助拍攝，成為電影嘅唯一指定航空公司贊助商。

體育競賽

2012年，做香港殘奧會指定航空公司，接載香港殘奧代表團成員參加倫敦奧運賽事。

2017年，同香港賽馬會攜手合作，冠名贊助跑馬地百萬挑戰盃，為期三年。

教育與公益活動

每年都參加香港明愛籌款賣物會，贊助「世界糖尿病日2012年」香港站嘅活動。

2011年，舉辦「香港兒童航空樂」活動，主要對象係未搭過飛機嘅細路，免費資助大約120個基層細路仔同家長去海南島兩日一夜旅行，包食宿、交通同保險等費用，畀基層家庭細路有機會去旅行。

由2014年開始定期舉辦「飛上雲霄」計劃，邀請香港小學生，參觀飛機餐製作過程、機上設施同駕駛室等，培養新一代對航空業嘅興趣，加深對業界嘅認識。

環境保護

香港航空採用全空中巴士機隊。有別於香港其他航空公司，呢啲飛機大多數夠新淨，採用新型設計、高效能引擎，有效減少噪音同燃油耗損。

附屬公司

香港航空地面服務有限公司（HAGSL）

於香港國際機場提供地勤代理服務。

香港航空旅遊有限公司 （HKA Holidays）

發售各類型旅遊產品，包括定期包機航線機票、旅遊套票同埋酒店住宿。

機隊

喺香港國際機場嘅空中巴士A330-200(B-LNE)

喺天津濱海國際機場嘅空中巴士A320-200

喺臺中清泉崗機場嘅空中巴士A320-200(B-LPB)

以下係香港航空嘅現役機隊統計，採用全空中巴士機隊。至2016年9月，機隊平均機齡為4.3年，係香港最年輕嘅客貨運機隊。 ：

香港航空機隊

機型	編碼	數量		引擎	座艙安排				備註
		現役	訂咗		商務/ Club Premier	商務/ Club Classic	經濟	夾埋
客機機隊
A320-214	32H	3	-	CFMI CFM56-5B4/3	-	8	144	152	B-LPI、B-LPJ、B-LPK； 標準商務客艙同標準經濟客艙；商務客艙設有個人娛樂系統
A320-214	32S / 32Z	8	-	CFMI CFM56-5B4/3	-	-	174	174	B-LPL香港首架帶有鯊鰭小翼嘅全新A320客機，B-LPN，B-LPO由空中巴士天津廠房裝嵌；標準經濟客艙配置
A330-343X	333	5	9	勞斯萊斯 Trent 772B-60	32	-	260	292	B-LNM、B-LNN、B-LNO、B-LNP、B-LNQ； 長途客艙配置； 商務艙座椅係1-2-1編排，並可延伸至180度平瞓睡床 經濟艙座椅提供個人娛樂系統
A330-343E	33S	4	-	勞斯萊斯 Trent 772B-60	-	30	255	285	B-LNR、B-LNS、B-LNT、B-LNU； 長途客艙配置； 商務艙座椅可延伸至155度睡床 經濟艙座椅提供個人娛樂系統； 原本係新加坡航空2010年引入嘅全新客機，客艙保留原來座位佈局
A330-223	332	6	-	普惠PW4168A	-	24	259	283	B-LNC、B-LND、B-LNE、B-LNF、B-LNG、B-LNI； 長途客艙配置； 商務艙座椅可延伸至155度睡床 經濟艙座椅提供個人娛樂系統
A330-243	33V	3	-	勞斯萊斯 Trent 772B-60	18	-	246	264	B-LNJ、B-LNK、B-LNL； 原本係商務客機，現配置長途商務客艙、標準經濟客艙同客艙無線娛樂系統
A350-900	-	0	15	勞斯萊斯 Trent XWB-84	未知				預計2017年年中起付運，空中巴士A350 MSN124號機將會成為香港航空第一架A350客機，機身編號為B-LGA
貨機機隊
A330-243F	33F	5	-	勞斯萊斯 Trent 772B-60	—
夾埋	-	34	24

退役機型

• 波音737-300
• 波音737-800
• 龐巴迪CRJ-200ER
• 龐巴迪CRJ-700

航點

	樞紐機場
	聯營航點
	將來航點
	終止咗嘅航點

國家	航點	IATA	ICAO	機場	備註
香港	香港	HKG	VHHH	香港國際機場
日本	東京	HND	RJTT	成田國際機場	同汶萊皇家航空提供代碼共享
日本	大阪	KIX	RJBB	關西國際機場
日本	沖繩	OKA	ROAH	那霸機場	同阿提哈德航空提供代碼共享
日本	鹿兒島	KOJ	RJFK	鹿兒島機場
日本	札幌	CTS	RJCC	新千歲機場
日本	宮崎	KMI	RJFM	宮崎機場
日本	熊本	KMJ	RJFT	熊本機場	受平成28年（2016年）熊本地震影響暫時停航（熊本機場而家只畀國內航班升降）
日本	岡山	OKJ	RJOB	岡山機場
日本	米子	YGJ	RJOH	米子機場
臺灣	臺北	TPE	RCTP	桃園國際機場	同長榮航空聯營
臺灣	高雄	KHH	RCKH	小港國際機場	港航獲派嘅台港航班有配額限制，為咗畀台北航線加班，高雄航線喺2013年3月31號起取消。
中國	北京	PEK	ZBAA	首都國際機場	同海南航空提供代碼共享
中國	上海	PVG	ZSPD	浦東國際機場	同中國東方航空及上海航空聯營
中國	上海	SHA	ZSSS	虹橋國際機場	同中國東方航空及上海航空聯營
中國	杭州	HGH	ZSHC	蕭山國際機場	同中國東方航空及海南航空聯營
中國	南京	NKG	ZSNJ	祿口國際機場	同中國東方航空及上海航空聯營
中國	重慶	CKG	ZUCK	江北國際機場	同海南航空提供代碼共享
中國	成都	CTU	ZUUU	雙流國際機場	同海南航空提供代碼共享
中國	福州	FOC	ZSFZ	長樂國際機場	同海南航空提供代碼共享
中國	海口	HAK	ZJHK	美蘭國際機場	同海南航空提供代碼共享
中國	三亞	SYX	ZJSY	鳳凰國際機場	同海南航空提供代碼共享
中國	天津	TSN	ZBTJ	濱海國際機場
中國	南寧	NNG	ZGNN	吳圩國際機場
中國	長春	CGQ	ZYCC	龍嘉國際機場
中國	南昌	KHN	ZSCN	昌北國際機場
中國	貴陽	KWE	ZUGY	龍洞堡國際機場
中國	遵義	ZYI	ZUZY	新舟機場
中國	桂林	KWL	ZGKL	兩江國際機場
中國	廈門	XMN	ZSAM	高崎國際機場
中國	太原	TYN	ZBYN	太原武宿國際機場
中國	鹽城	YNZ	ZSYN	南洋機場
中國	呼和浩特	HET	ZBHH	白塔國際機場
韓國	首爾	ICN	RKSI	仁川國際機場
泰國	曼谷	BKK	VTBS	蘇萬那普國際機場	同阿提哈德航空、肯亞航空提供代碼共享
泰國	喀比	KBV	VTSG	喀比國際機場
柬埔寨	金邊	PNH	VDPP	金邊國際機場
馬來西亞	古晉	KCH	WBGG	古晉國際機場
印尼	峇里島	DPS	WADD	伍拉·賴國際機場
越南	河內	HAN	VVNB	內排國際機場
紐西蘭	奧克蘭	AKL	NZAA	奧克蘭機場	同阿提哈德航空提供代碼共享
澳洲	黃金海岸	OOL	YBCG	黃金海岸機場
澳洲	凱恩斯	CNS	YBCS	凱恩斯機場
北馬利安納羣島	塞班島	SPN	PGSN	塞班國際機場
加拿大	溫哥華	YVR	CYVR	溫哥華國際機場	預計2017年6月30號開航，每日一班
俄羅斯	莫斯科	SVO	UUEE	謝列梅捷沃國際機場	2011年3月開辦每週三班，至2012年1月16號停辦。
馬爾代夫	馬累	MLE	VRMM	易卜拉欣·納西爾國際機場
英國	倫敦	LGW	EGKK	倫敦格域機場	只有商務艙Club Premier同埋商務艙Club Classic，2012年3月7號起提供服務，2012年9日10號停辦。

代碼共享嘅航點

同香港航空實施代碼共享嘅航點（實際唔係佢飛）：

貨運航點

純貨機經營嘅路線：

國家	航點	IATA	ICAO	機場	備註
香港	香港	HKG	VHHH	香港國際機場
臺灣	臺北	TPE	RCTP	桃園國際機場
泰國	曼谷	BKK	VTBS	蘇萬那普國際機場
中國	上海	PVG	ZSPD	浦東國際機場
中國	杭州	HGH	ZSHC	蕭山國際機場
中國	天津	TSN	ZBTJ	濱海國際機場
中國	鄭州	CGO	ZHCC	新鄭國際機場
星加坡	新加坡	SIN	WSSS	樟宜機場
馬來西亞	吉隆坡	KUL	WMKK	吉隆坡國際機場
越南	河內	HAN	VVNB	內排國際機場
越南	胡志明市	SGN	VVTS	新山一國際機場
孟加拉國	達卡	DAC	VGZR	沙阿賈拉勒國際機場
哈薩克	阿拉木圖	ALA	UAAA	阿拉木圖國際機場
土耳其	伊斯坦堡	IST	LTBA	阿塔圖克國際機場

連出去

• 香港航空公司