核糖核酸

核糖核酸（英文：ribonucleic acid，縮寫：RNA）係一種重要嘅生物大分子，因為分子係由核糖核苷酸組成而得名。

一段溶喺水入面而摺疊成髮夾狀螺旋構造嘅一啲單股mRNA分子結構。

每個RNA分子都係由核苷酸單元長鏈組成，每個核苷酸單元會有一個含氮堿基、一個核糖同一個磷酸基。RNA係有細胞結構嘅生物嘅遺傳訊息中間載體，而且參與蛋白質合成；重參與基因表達調控。對一部分病毒嚟講，RNA係佢唯一嘅遺傳物質。

RNA存在喺所有細胞嘅細胞質同細胞核中，都存在喺大多數知道嘅植物病毒同部分動物病毒同埋一啲噬菌體入面。