欄河（河變讀可），又稱欄杆，係欄一種，一條條嘅物料砌成，防人跌出安全地方。物料通常用金屬、木材或者塑膠整。通常設係高處邊邊，騎樓邊，樓梯邊，或者河邊、湖邊、馬路邊。除咗有安全之用，亦可以分隔兩笪地方，或者當扶手用。
按文意，欄河原本係河邊，有欄防人墮河。
李白有詩《清平調》一句，「解釋春風無限恨，沉香亭北倚欄杆」。
