Talk:拖鞋

變調同澳門音

由 User talk:WikiCantona#Re:拖鞋搬過來嘅

读to¹haai²。--William915（傾偈） 2013年8月26號 (一) 04:49 (UTC)

haai4-->2 只係一個好常見嘅變調，有需要等登標音咩？如果開一頁《腸》(coeng4-->2)，唔通又要等登寫明讀「搶」咩？呢處唔係字典喎！ 敦(傾偈) 2013-08-26T09:20:21+00:00

完全同意尔个观点。--William915（傾偈） 2013年8月26號 (一) 10:34 (UTC)

兩位有冇澳門朋友？有冇留意澳門有佢嘅特色口音？呢個係粵語維基，關於唔同地方嘅粵語，唔係呢度寫，喺邊度寫？更加重要係水鞋，香港人唔係讀「水蟹」--WikiCantona (傾偈) 2013年8月26號 (一) 12:36 (UTC)

水鞋因为水字係第二声，所以唔使变调，广州都係读水haai⁴，建议阁下睇完變調篇文再讲。唔係话唔写唔同地方嘅粤语，而係纯粹属于变调嘅所谓读音差别唔使注出莅。如果读音差异係超出咗粤语正常变调规律嘅范围嘅，我好欢迎阁下写入文章里面。--William915（傾偈） 2013年8月26號 (一) 13:40 (UTC)

我有澳門朋友。– Danny♪Chan 2013年8月26號 (一) 13:48 (UTC)

澳門朋友：兩種都有，同香港冇乜分別，– Danny♪Chan 2013年8月26號 (一) 14:14 (UTC)

我有澳門朋友，但係佢哋（後生仔）啲口音同香港人無異。反而廣州（老一輩嘅）口音，我就分得出。佛山／南海口音、肇慶口音我都識分。 敦(傾偈) 2013-08-26T15:53:05+00:00

我睇過一本書，佢話澳門有部份人係唔分陰上聲（第二聲）同陽上聲（第五聲），一律讀成第五聲（唔會發第二聲)。即係話呢一啲人唔識分haai2同haai5，兩樣都會讀成「蟹」！ 敦(傾偈) 2013-08-26T15:49:30+00:00

多謝你嘅指教，就算係常見嘅變調，特別嘅地方就係：有無變調嘅澳門讀法，兩位完全忽略咗，將澳門讀法亦刪去，冇任何嘅解，合理乎？--WikiCantona (傾偈) 2013年8月26號 (一) 14:12 (UTC)

唔通要個個地方嘅地道讀音都標晒出來，咁先致合理？拖鞋又唔係澳門特產，呢個變調又只係一般最常見嘅一類變調，唔明有乜理據要專登標出來。點解唔集中啲，用多啲篇幅去描述下拖鞋呢一樣嘢呢？想就每一個詞語標出各地讀音，不如開個粵語wiktionary重好啦！ 敦(傾偈) 2013-08-26T15:49:30+00:00

換咗係 User:Cedric tsan cantonais‎，佢會講：唔通澳門話唔係粵語咩？亦唔應該畀香港話獨大。Wikitionary 只係收唔同 Wikipedia project 嘅發音，「方言」唔收。唔係個個埞方，而係同 standard pronunciation（即廣府音）唔同嘅發音就應該寫低，廣西嘅、中山嘅... 都要。你都識講係後生仔，佢地睇香港電視大，以前嘅讀法唔識。就係呢個原因，就應該記低呢樣嘢！ --WikiCantona (傾偈) 2013年8月27號 (二) 23:07 (UTC)

咁嘅話，睇怕每一篇文都要加幾百字標晒各地方音咯！《維基百科》唔係方言字典，根本唔係合適嘅地方；標咁多音只分令文章冗長，失去焦點。講返「拖鞋」一詞，呢個澳門讀法完全符合一般嘅發音、變調規律，毫無特別之處，根本不值一提。你不如開一版講下澳門口音，列出同標準港、穗口音有乜唔同重好啦！ 敦(傾偈) 2013-08-28T01:27:58+00:00

反對！起碼喺未有粵語維基辭典之前，喺粵語維基百科道標出唔同粵語方言嘅特殊發音，係完全合理嘅。維基百科主張「海納百川，有容乃大」，如果我等連其他粵語方言嘅發音都容唔得落嘅話，恁又點叫做「海納百川」呢？不過標方音未必一定要下下用幾百字，主要標同香港/廣州音唔同嘅發音就可以嘞。

另外，乜閣下認為我等唔想嘅粵語維基辭典咩？我等申請咗咁耐，但係元維基嗰邊硬係唔開，我等都唔辦法㗎噃。 — 粵語文學大使殘陽孤侠 2013年8月28號 (三) 04:49 (UTC)

我嘅观点係地方音要标，但係常见嘅变调就唔使，唔知残阳孤侠阁下点睇？--William915（傾偈） 2013年8月28號 (三) 05:19 (UTC)

敝認為：常見嘅變調標都得，唔標都無乜大問題，但係如果粵語維基辭典開到嘅話，恁就最好喺維基辭典乜都標晒出來。話晒，宜家兩廣粵語受普通話影響太嚴重，嚴重到（據聞）有啲細路已經連常見嘅變調都唔識嘞，如果維基百科有記錄嘅話，恁佢等到時要執返起伊啲變讀都無咁難。 — 粵語文學大使殘陽孤侠 2013年8月28號 (三) 06:02 (UTC)