Talk:語無倫次

「Nonsense」係咪真係應該譯做「廢話」呢？我感覺（最少喺廣東話）「廢話」通常係指啲「講咗等於冇講」嘅言語，有起碼兩個可能嘅意思：

• 講嘅嘢冇任何 coherent meaning—對應英文 "nonsense"；
• 講嘅嘢係人都知，即係例如「阿媽係女人」呢啲唔使講都知嘅嘢—要譯做英文，我會譯做 "trivially true"；

Dr. Greywolf (傾偈) 2023年3月5號 (日) 06:42 (UTC)

唔好意思，我覺得Dr. Greywolf兄似乎有少少「走火入魔」。我唔熟芭蕾舞，唔方便評論堆芭蕾舞術語係咪粵語溝通入面直接用原文比較多，但連「Nonsense」都要用英文，我覺得真係過咗火。嫌「廢話」唔夠粵語味嘅話，大可以用「廢噏」。始終各地語言文化有好大差異，Wikidata難以做到百分百匹配，所以唔應該因為「Nonsense」同「廢話」意思上有微細差異，而直接用英文「Nonsense」，無視粵語日常溝通中通常用「廢話」或者「廢噏」表達近似意思。--Yaukasin (傾偈) 2023年3月9號 (四) 14:11 (UTC)

其實維基數據入面超亂，好多對應都係冇意義（nonsense, sorry for the pun）嘅假對應，除非我哋清理埋維基數據（即係清理埋其他維基百科），要求完全對應根本冇可能。有啲嘢甚至係英維明顯唔對應維基數據。 Al12si (傾偈) 2023年3月9號 (四) 18:50 (UTC)

@Yaukasin、Al12si： OK 改咗，睇吓噉樣點？Dr. Greywolf (傾偈) 2023年3月10號 (五) 00:18 (UTC)

@Dr. Greywolf 其實我唔覺得有需要解釋，查實兩種解釋喺英維都搵到（只係第二種解釋係某學者作嘅術語），查字典就另外仲有三種解釋（只有其中一種英維有提），爾哋普通概念，講完全對應係其實根本冇可能。 Al12si (傾偈) 2023年3月10號 (五) 00:31 (UTC)

@Dr. Greywolf 如果你覺得有需要，你可以喺英維搵或者開一篇第二種解釋嘅文，再喺我哋度開個跳轉（例如標題 ｢阿媽係女人｣），再將英維篇文連去我哋個跳轉度，咁就技術上（喺維基數據嘅角度）完全對應。連去跳轉要標明｢特登連去跳轉｣，爾個係新功能，幾個月前係做唔到嘅，整來就係用來處理爾篇文爾類嘅情況。 Al12si (傾偈) 2023年3月10號 (五) 00:46 (UTC)

基本認同，我立場都係唔需要強求完全對應。不過今日我忽然有個新諗法，如果Dr. Greywolf兄一心只係想寫「Nonsense」，或者可以考慮叫「語無倫次」？--Yaukasin (傾偈) 2023年4月22號 (六) 00:59 (UTC)

@Yaukasin： Good idea Dr. Greywolf (傾偈) 2023年4月22號 (六) 01:10 (UTC)