- 維基百科鼓勵勇於修改，所以放膽寫！「維基百科五大支柱」係百科、中立、內容自由、行為規範，同埋：無死板嘅規則。
- 順便提提：
- 我哋發展緊用字指引 Wikipedia:粵語本字，你可參攷同埋畀意見。希望你鍾意喺呢度寫嘢。
- Welcome to Cantonese Wikipedia. If you cannot understand Cantonese, you can write to our Ambassador. Enjoy yourself.
- 歡迎你嗰位：WikiCantona 2007年11月17號 (六) 02:22 (UTC)
點個維基百科o既麻麻地啦...不過我想問下管理員們點樣界定邊d講法係廣東話 邊d唔係 邊d係正宗 邊d唔係 廣東話有無書面成份 有ge話好唔好用o係維基 或者全部用口語~再講落去就關乎廣東話o既發展lu~ —之前未簽名嘅留言係由User:Ivantalk (留言 • 貢獻) 響所加入嘅。
- 都答幾難㗎，冇乜所謂「正宗」，因為跟本就冇一樣嘢叫「標準書寫粵語」。好簡單嘅有，啲「的」、「和」、「與」、「在」、「他」、「她」、「它」、「很」、乜乜「地」、「們」咪一定係國語書面語囉，有啲就難啲，你可能會話：「閂門」或「關門」，「去街市」或「去市場」.... 呢？我話前者係廣東話啲，不後者都有人用，特別喺香港以外講廣東話嘅地方，你想咪改佢佢囉。
- 維基百科好處就係人人都改得，唔係管理員話乜界定乜，你都可以一齊界定篇嘢係唔係廣東話，幫手改--WikiCantona 2007年11月17號 (六) 02:22 (UTC)
- 不過用方言去寫作我覺得係一件好嚴肅嘅事，儘管方言本身並不一定嚴肅。我係澳門人，自己平日所接觸到嘅廣東話都係講多過寫，我地所謂嘅"書面語"，其實係受解放前大陸文壇影響、解放後台灣文壇影響、少量嘅廣東話、風俗習慣同外國語言結合起來嘅。要我地講或者好簡單，但係要寫嘅話，我覺得需要一個行為規範。我咁大個人都未留意到有咩廣東話使用規範之類嘅文件~其實我地用"書面語"寫出黎嘅野，用廣東話一樣讀得出黎。既然我地"廣東話"寫起上黎唔好寫，咁我想問有必要將"廣東話"內容寫成文字，或者直接用"書面語"比較好？我唔係專業人才，只好泛泛而談。Ivantalk 2007年11月18號 (日) 05:49 (UTC)
- 『儘管方言本身並不一定嚴肅』 <- 唔同意，唔係方言本身唔嚴肅，而係講/寫嘢個條友唔嚴肅，因為用邊種話都可以寫唔嚴肅嘅嘢。咁講啦，寫粵語嘅規範就係你平日點講嘢（係一種規範），我都咁諗，有唔少嘢用國語書面語寫出嚟同用粵語讀出嚟，係唔大問題嘅，不過，總係可似隔咗層嘢咁嘅，平時講開嘅「樽」要變做「瓶」，「朱古力」要變做「巧克力」..... 有興趣可以再睇埋：對批評維基百科嘅回應。重有，廣東話寫起上黎唔係唔好寫，只係寫唔慣同睇唔慣咁。--WikiCantona 2007年11月19號 (一) 15:01 (UTC)
- 咁開心，我都傾埋一份。寫廣東話有乜好？咁講啦，國語寫嘅文之中,間唔中會見到一兩句唔啱文法、唔合邏輯、或者多咗個字，好似呢句咁：
11月15日，巴基斯坦总统、陆军参谋长佩尔韦兹·穆沙拉夫任命国民议会参议院主席穆罕默德米安·苏姆罗出任看守政府总理。
- 點解又「任命」又「出任」？一個「任」字喺一句出現兩次，唔合理。就咁一個「為」字就夠。點解會咁？我想知。到底係
- １。一般人寫同睇中文時，唔會要求文法嚴謹？
- ２。好多人嘅母語唔係國語，諗嘅嘢轉寫嘅字時出錯？
- 寫粵語嘅好處係：唔啱文法嘅句，一聽就知怪怪地。 * -- :-) Hillgentleman | 書 | 二零零七年十一月十九號（星期一）格林尼治 15點36分04秒。
- 咁開心，我都傾埋一份。寫廣東話有乜好？咁講啦，國語寫嘅文之中,間唔中會見到一兩句唔啱文法、唔合邏輯、或者多咗個字，好似呢句咁：
- 我想問下 我想改"機械"下面"轆"嘅內容，要點樣操作？地址：http://zh-yue.wikipedia.org/wiki/%E8%BD%86# 我只可以改到小節...點解呢？Ivantalk 2007年11月18號 (日) 06:02 (UTC)
- 你點喺呢度加嘢？同一方法。--WikiCantona 2007年11月19號 (一) 15:01 (UTC)