- 維基百科鼓勵勇於修改，所以放膽寫！「維基百科五大支柱」係百科、中立、內容自由、行為規範，同埋：無死板嘅規則。
- 順便提提：
- 有問題，可以去我嘅討論版問我，亦可以來呢度揾答案。
- 我哋發展緊用字指引 Wikipedia:粵語本字，你可參攷同埋畀意見。希望你鍾意喺呢度寫嘢。
- 歡迎你嗰位：* -- :-) Hillgentleman | 書 | 二零零八年三月三號（星期一）格林尼治 22點36分22秒。 2008年3月3號 (一) 22:36 (UTC)
的確，由來已久嘅人名，標準中文同廣東話係好似嘅。有兩個問題：1）中維用全譯名加一點（先唔論呢個做法好唔好，不竟呢個係中維嘅造法），呢度一向都唔係咁做。你將啲嘢直接吸過嚟，2) 有啲名又係簡體。簡體同加點全譯名，喺冇 redirect 嘅情況之下，篇嘢就係空嘅，而事實就係有呢篇嘢。Wikipedia:基礎文章就希望有人寫，一睇個拎以為冇文，就去寫餐懵，點之係原來係有呢篇嘅，咁就唔好啦。所以如果你想改 format，麻煩你就喺呢啲名上面加加減減--WikiCantona（討論） 2009年3月29號 (日) 14:13 (UTC)
回 編輯
希望你明白，廣東話維基百科有今日嘅成績，唔少人出咗唔少力，就算成立都因為俾人唔停咁反對，前前後後搞咗兩年，而以香港嘅維基人反對最大，有人話廣東話維基百科係多餘，有啲唔理，有啲偏激發表意見（e.g. zh:talk:粵語維基百科），最衰就係有一兩個嚟搞吓嘢，所而我對照搬中維嗰套好有保留。至於你講嘅中文維基百科改名方法係有佢嘅好處，亦有唔少問題，zh:馬克斯·韋伯，對於你多用中文維基百科嘅人冇乜問題，對於初用者嚟講，喺網想搵馬克思，有唔邊個思字，真係一頭霧水，如果好似中維咁，吓吓係個名都加一點落去，我唔認同，好似講貝多芬，9成9都係講嗰個㗎啦，你以為幾多人會打 祖翰.混.貝多芬 去揾貝多芬個老豆呢？點點吓呢個方法真係唔好睇又唔好用，睇吓大清嗰時啲洋人個名點譯就知，好睇又易記，而且尊重中文命名嘅方法。你話用全名加點係尊重，我覺得有啲怪，喺人哋個名度加啲冇嘅嘢，要尊重就不如用原文啦，吓吓都要將人個名譯做漢字，我反而覺得係尊重唔夠。重有，維基百科唔係獨立存在，我哋只係收集外面世界嘅知識，有時我咁諗，如果粵語世界都完全冇提個過呀乜水，為咗要增加文章嘅數目，係又譯唔係又譯，我會偏向用原文嘅名，唔係個點點名。一篇文嘅題目更係要清楚，為學術而學術，搞到啲嘢好易好簡單嘅嘢，變成又難又複集，我唔同意。維基百科搞搞吓吸引係唔少鑽牛角同太學者嘅人，早排有人喺英維轉 Cantonese 做 en:Yue Chinese，真係笑死人。最後，你所講嘅粵語維基百科冇乜政策，一般方向跟英文維基百科，Only to write up policy or proposed one when the situation calls for（夠用就算），用多啲時間寫文好過。--WikiCantona（討論） 2009年4月2號 (四) 02:06 (UTC)
好唔客氣 編輯
你喺中維做過乜，同呢處關係唔大，你都係初到，如果以為中維個套咁好，想喺度推行，可以傾吓嘅。之不過，你口氣大大，又唔用粵語寫嘢，如果你連最基本用粵語寫嘢都唔認同；亦即係最基本嘅尊重都唔識，一味就寫北方中文，等我哋改餐死，你令我諗起啲15世紀嘅傳教士同者殖民者：「你哋啲野蠻人，我嚟幫你哋！」希望你搞清楚，如果你用呢啲大文化者心態嚟「幫手」，真係有啲問題囉，係咁多。--WikiCantona（討論） 2009年3月30號 (一) 13:22 (UTC)
- 大家冷靜。簡東拿唔好假設太多先。呢位S1999朋友，你想幫手我哋當然歡迎，但你要明白，我哋行咗咁耐，實有一套做法，「入境問禁」係全世界都通用嘅；你忽然一出現就幫我哋大改，好多人名 link都斷埋，咁做點講都唔通掛－－你要記得，維基一種基本原則係用嗰種話入面最通用嘅名，而講廣東話嘅人，都係叫巴哈、貝多芬、莫扎特嘅。如果你嘅提議真係正嘅，可以喺討論版講清楚；而家還原住先。
- 重有廣東話重簡煉，至怕唚氣，唔易寫好。請你同大家傾偈時用多啲廣東話，咁可以練好你嘅文筆，繼續貢獻！ * = )< Hillgentleman|書|二零零九年三月三十號（星期一）格林尼治 15點06分43秒。>