Wikipedia:是日好文/阿拉伯斯卡

阿拉伯斯卡（法文：Arabesque）係源自芭蕾舞嘅一種舞步，喺 1820 年由意大利編舞家卡勞·貝里西斯（Carlo Blasis）正式定名。做阿拉伯斯卡舞姿嘅舞蹈員要淨係一隻腳掂地（呢條髀叫支撐髀）而另外嗰條髀（抬起髀）就外開並且抬高去身體後面，當中抬起髀要伸到直一直，上身要係噉咦向前傾。阿拉伯斯卡舞姿目的係要令成個身體形成一條由膊頭一路延伸落去抬起髀嘅腳趾尾嗰度嘅線，達到一個靚嘅視覺效果。