Wikipedia talk:異體字使用規範

討論

歡迎大家畀意見，如果兩個禮拜之後時機成熟，就會升做指引。--William915（傾偈） 2013年11月26號 (二) 02:38 (UTC)

冇需要。規乜範，自由百科，睇得名就算啦。呢道已經少人，再整就冇人寫嘢。--WikiCantona (傾偈) 2013年11月27號 (三) 09:05 (UTC)

規範為咗防 edit war 嘅話。用寫者為先，先到先得啦，家下其實都做緊㗎，如有個人將「來」改咗「嚟」，即刻會俾人鬧。--WikiCantona (傾偈) 2013年11月27號 (三) 09:09 (UTC)

自由唔等於無規範。亦唔「名」點解再整就無人寫嘢。--William915（傾偈） 2013年11月27號 (三) 09:47 (UTC)

英 Wiki editors 大跌，其一因為規範太多，新手覺得難以適應，好快唔再玩。試諗吓一個新仔，一寫嘢就（可能）係噉畀人改，呢個字好地地，點解話錯呢，不明所以，（可能）易於棄屢，（可能）就噉放棄唔玩。--WikiCantona (傾偈) 2013年11月29號 (五) 02:30 (UTC)

規範依佪字，就等於失去用字嘅自由。HenryLi (傾偈) 2013年11月27號 (三) 10:28 (UTC)

點會失去用字自由？作為標題，我支持整好佢，至於文章，我認為隨個人習慣，如果有人睇唔明，佢自然會去改，但標題一定要正。爲咗防止有人唔識異體字，可以將其他可能寫法direct下。S7w4j9 (傾偈) 2013年11月27號 (三) 11:08 (UTC)

𠵱處唔係講標題，而係講規範用字。規範卽係話，有人寫【嘅】，有人寫【忌】，有人寫【略】，有人寫【畧】，有人寫【氹】，有人寫【潭】，有人寫【啲】，有人寫【尐】，其中一方就要讓路，不得使用。咁重唔失去用字嘅自由？真係睇唔到有乜理由，要施加無謂限制。HenryLi (傾偈) 2013年11月27號 (三) 11:20 (UTC)

重有係做啲勞而無功，至少無改善內容。同一版係咪要搵人執字？同時喜好亦會引發編輯戰。HenryLi (傾偈) 2013年11月27號 (三) 11:23 (UTC)

---

其實我重點喺第二條。第三條本來就做緊。第一條大家達成唔到一致意見可以唔加。--William915（傾偈） 2013年11月27號 (三) 11:33 (UTC)

第一條真係無必要，文章內文點樣用字唔重要，唔好話有人睇唔明就得。

BTW，你提到地名、人名等等異體字問題，呢個好清楚，佢個原名點寫就點跟；事關日常事物個名點算？我對漢字有興趣，對比過香港同臺灣字表，其中有個重大出入在於香港將「臺」合併到「台」，而臺灣兩個分清。呢個涉及正體中文史，臺、台歷來視作通同字，官方文書都會噉用（臺灣非正式場合都會撈來用），但深究，臺、台有別，啲人習慣寫「電視台」，嚴格來寫係「電視臺」，so，how？更典型嘅例子，「天台」同「天臺」實質上九唔搭八，「天台」係地名，「天臺」係樓頂。

加句，又見到有人將「嘅」嘅本字講成「忌」，我要正視聽：「嘅」本字當爲「個」，「忌」係訛字，唔知邊個古文咁唔得掂，從《詩經》搞嚿噉嘅屎忽鬼來，同時話「忌」嘅人，可能唔識其他地方嘅粵語，亦唔識語音學。最簡單嘅思辨：一個普羅大眾都用嘅字詞，有無可能出自文獻孤例？我希望各位謹慎對待所謂嘅「正字」，所以我態度係從俗，但一啲俗字無必要用，不過我唔會强推我嘅觀點S7w4j9 (傾偈) 2013年11月27號 (三) 15:47 (UTC)

---

其實今次討論目的已經達到（收集大家對異體字使用睇法）。下次我再見到有人將奬換成獎或者提議將category:衛生改名做衞生我識點做。多謝大家意見，爾個提議本身唔會再升做指引，但係遞時有乜拗撬我會引用今次討論內容，尤其係用字自由爾個重要理念。--William915（傾偈） 2013年11月28號 (四) 03:54 (UTC)

某類別用字，可以按案例來睇，亦可以達成共識。其他情況真係無必要一篙打晒。HenryLi (傾偈) 2013年11月28號 (四) 04:26 (UTC)